ഐ.പി.എൽ: യു.എ.ഇ സാമ്പത്തിക രംഗത്ത്​​ ഉണർവേകും

ദുബൈ: ഇന്ത്യൻ ​പ്രീമിയർ ലീഗി​െൻറ വരവ്​ യു.എ.ഇയുടെ സാമ്പത്തിക, ടൂറിസം രംഗങ്ങളിൽ ഉണർവ്​ നൽകുമെന്ന്​ പ്രതീക്ഷ. 80-90 ദശലക്ഷം ദിർഹമി​െൻറ നേട്ടമാണ്​ രാജ്യം പ്രതീക്ഷിക്കുന്നത്​. ആദ്യ ഘട്ടത്തിൽ കാണികളെ സ്​റ്റേഡിയത്തിൽ അനുവദിക്കാൻ സാധ്യത കുറവാണെങ്കിലും രണ്ടാം ഘട്ടത്തിൽ നിയന്ത്രണങ്ങളോടെ ആരാധകരെ അനുവദിച്ചേക്കും. കാണികൾക്കായി വാതിൽ തുറന്നിടണമെന്നാണ്​ എമിറേറ്റ്​സ്​ ക്രിക്കറ്റ്​​ ബോർഡി​െൻറ ആഗ്രഹമെങ്കിലും യു.എ.ഇ സർക്കാറും ബി.സി.സി.ഐയും മനസ്സു​ തുറന്നിട്ടില്ല.

അതേസമയം, 2014ൽ യു.എ.ഇയിൽ ഐ.പി.എല്ലി​െൻറ ആദ്യ ഘട്ടം നടന്നപ്പോൾ 147 ദശലക്ഷം ദിർഹം വരുമാനം രാജ്യത്തിന്​ ലഭിച്ചിരുന്നു. ഇക്കുറി ഇതിൽ ഗണ്യമായ കുറവ്​ വരുമെന്നാണ്​ കരുതുന്നത്​. കോവിഡ്​കാല നിയന്ത്രണങ്ങളും സ്​പോൺസർഷിപ്പിലെ കുറവും ചെലവ്​ വെട്ടിച്ചുരുക്കലും കാണികളെ അനുവദിക്കാത്തതുമെല്ലാം വരുമാനത്തെ ബാധിക്കും. എങ്കിലും, നിലവിലെ അവസ്ഥയിൽ സാമ്പത്തിക ലാഭത്തിലുപരിയായി ലോകത്തിന്​ മികച്ചൊരു സന്ദേശം നൽകാൻ കഴിയുമെന്നത്​ യു.എ.ഇയെ സംബന്ധിച്ചിടത്തോളം ഏറ്റവും വലിയ നേട്ടമായി കരുതുന്നു.

കാണികളെ അനുവദിച്ചാൽ ദുബൈ, അബൂദബി, ഷാർജ എന്നിവിടങ്ങളിലെ ഹോട്ടൽ, ടൂറിസം മേഖലകൾക്ക്​ മികച്ച നേട്ടമുണ്ടാക്കാൻ കഴിയും. നിലവിൽ സ്​റ്റേഡിയങ്ങൾക്ക്​ സമീപമുള്ള ഹോട്ടലുകളിൽ ചിലത്​ അടുത്ത രണ്ടു​ മാസത്തേക്ക്​ ടീം മാനേജ്​മെൻറുകൾ ബുക്ക്​ ചെയ്തിട്ടുണ്ട്​. ​കാണികളെ അനുവദിച്ചാൽ ലോകത്തി​െൻറ വിവിധ ഭാഗങ്ങളിൽ നിന്നുള്ളവർ ഇവിടേക്ക്​ എത്തും. ഇത്​ ഹോട്ടലുകൾക്കും ടൂറിസത്തിനും നേട്ടമുണ്ടാക്കും. ട്രാവൽ മേഖലക്കും കൂടുതൽ ഉണർവുണ്ടാകാൻ ഇടയാക്കും.