ഷാർജ: അനാഥരെ സാമ്പത്തികമായി സഹായിക്കുന്നതിനായി ഷാർജ സോഷ്യൽ എംപവർമെന്റ് ഫൗണ്ടേഷൻ (എസ്.എസ്.ഇ.എഫ്) അൽ തവീല ലൈവ് സ്റ്റോക് ട്രേഡിങ് കമ്പനിയുമായി ധാരണയായി.
താഴ്ന്ന വരുമാനമുള്ള അനാഥരോ അവശരോ ആയ കുടുംബങ്ങൾക്ക് പോഷകാഹാരം നൽകുകയും അവരുടെ സാമൂഹികവും സാമ്പത്തികവുമായ ക്ഷേമം മെച്ചപ്പെടുത്തുകയും ചെയ്യുന്നതിനാണ് ഇരുകമ്പനികളും തമ്മിൽ കരാറിലെത്തിയത്.
കന്നുകാലികൾ, മാംസം എന്നിവ ഉൾപ്പെടെ ഭക്ഷ്യവസ്തുക്കളുടെ വിതരണം നടത്തുന്ന ‘ഹലാൽ മസറീന’ ആപ്പിന്റെ ഉടമസ്ഥരാണ് അൽ തവീല ലൈവ്സ്റ്റോക്ക് ട്രേഡിങ് കമ്പനി. ആപ്പിന്റെ സ്മാർട്ട് ഫീച്ചറുകൾ പ്രയോജനപ്പെടുത്തിയാണ് സേവനങ്ങൾ നൽകുന്നത്. അനാഥരുടെ സമഗ്രപരിചരണം, വിദ്യാഭ്യാസം, സാമ്പത്തികം, തൊഴിൽ, മനഃശാസ്ത്രം, സാമൂഹികമായ പശ്ചാത്തലം, ആരോഗ്യം എന്നിങ്ങനെ വിവിധ തലങ്ങളിൽ അവരെ ശാക്തീകരിക്കുന്നതിലൂടെ അന്തസ്സും സമൃദ്ധിയും ഉള്ള ജീവിതം ഉറപ്പാക്കുകയാണ് ലക്ഷ്യം.
ഉദാരമതികളിൽനിന്നും അഭ്യുദയകാംക്ഷികളിൽനിന്നുമുള്ള സംഭാവനകൾ ആപ് ഉപയോഗിച്ച് ശേഖരിച്ച് അർഹതപ്പെട്ടവർക്ക് എത്തിച്ചുനൽകുകയാണ് ദൗത്യം. ഫൗണ്ടേഷൻ ജനറൽ മാനേജർ മോന അൽ സുവൈദി, കമ്പനി ജനറൽ മാനേജർ അലി മുഹ്സിൻ അമർ ശുജ എന്നിവർ കരാറിന്റെ വിവിധ വശങ്ങൾ വിശദീകരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.