ഗൾഫ് ഏഷ്യൻ സ്കൂൾ സംഘടിപ്പിച്ച ഇന്റർ സ്കൂൾ ക്വിസ് ചാമ്പ്യൻഷിപ്പിൽ ജേതാക്കളായവർ സംഘാടകർക്കൊപ്പം
ഷാർജ: ഗൾഫ് ഏഷ്യൻ ഇംഗ്ലീഷ് സ്കൂൾ 20ാമത് ഇന്റർ സ്കൂൾ ക്വിസ് ചാമ്പ്യൻഷിപ് സംഘടിപ്പിച്ചു. ചാമ്പ്യൻഷിപ്പിൽ പ്രൈവറ്റ് ഇന്റർനാഷനൽ സ്കൂൾ അബൂദബി ഒന്നാം സ്ഥാനവും ഇന്ത്യൻ ഇന്റർനാഷനൽ സ്കൂൾ ഷാർജ രണ്ടാം സ്ഥാനവും ഔർ ഓൺ ഇംഗ്ലീഷ് ഹൈസ്കൂൾ ഷാർജ ബോയ്സ് ബ്രാഞ്ച് മൂന്നാം സ്ഥാനവും നേടി. യു.എ.ഇയുടെ വിവിധ എമിറേറ്റുകളിൽനിന്നായി 27 ടീമുകളാണ് ചാമ്പ്യൻഷിപ്പിൽ പങ്കെടുത്തത്.
ഒന്നാംഘട്ടമായ പ്രിലിമിനറി റൗണ്ടിൽ ഏറ്റവും കൂടുതൽ പോയന്റ് നേടിയ ആറ് ടീമുകളാണ് ഫൈനൽ റൗണ്ടിൽ മാറ്റുരച്ചത്. വിവിധ സ്കൂളുകളിൽനിന്നായി ആയിരത്തോളം വിദ്യാർഥികൾ കാണികളായി പങ്കെടുത്തു. വിജയികളെ പേസ് ഗ്രൂപ് മാനേജ്മെന്റ് അഭിനന്ദിച്ചു. പേസ് ഗ്രൂപ് ഡയറക്ടർമാരായ സുബൈർ ഇബ്രാഹിം, അസീഫ് മുഹമ്മദ്, പ്രിൻസിപ്പൽ ഡോ. നസ്രീൻ ബാനു ബി.ആർ ക്വിസ് മാസ്റ്റർ ജയൻ ഫിലിപ് എന്നിവർ വിജയികൾക്കുള്ള സമ്മാനദാനം നിർവഹിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.