ദുബൈ: ഈദുൽ അദ്ഹ അവധിദിവസങ്ങളിൽ സേവനനിരതരായ ഓഫിസർമാരെ ദുബൈ പൊലീസ് ആദരിച്ചു.പൊലീസിലെ ഹാപ്പിനസ് ആൻഡ് പോസിറ്റിവിറ്റി കൗൺസിലാണ് അവധി ദിവസങ്ങളിൽ എമിറേറ്റിെൻറ സുരക്ഷ ഉറപ്പുവരുത്താൻ സന്നദ്ധരായവരെ അനുമോദിച്ചത്.
നാലുദിവസത്തെ ഈദ് അവധിദിനങ്ങളിലാണിവർ ആഘോഷങ്ങൾ മാറ്റിവെച്ച് ജോലിയിൽ പ്രവേശിച്ചത്.ദുബൈയിലെ താമസക്കാർക്ക് ഈദ് സമ്മാനങ്ങൾ വിതരണം ചെയ്യുന്ന പരിപാടിയും ഹാപ്പിനസ് ആൻഡ് പോസിറ്റിവിറ്റി കൗൺസിലിെൻറ നേതൃത്വത്തിൽ നടന്നതായി എക്സിക്യൂട്ടിവ് ഡയറക്ടർ അവാതിഫ് അൽ സുവൈദി പറഞ്ഞു.
ജീവനക്കാർക്ക് സന്തോഷകരമായ സാഹചര്യം ഒരുക്കുന്നതിൽ ദുബൈ പൊലീസ് ഏറെ ശ്രദ്ധിക്കുന്നതായും അവർ പറഞ്ഞു.120ലേറെ ട്രാഫിക് പൊലീസ് പട്രോളുകളാണ് ഈദ് അവധിദിവസങ്ങളിൽ എമിറേറ്റിെൻറ വിവിധ ഭാഗങ്ങളിൽ ഒരുക്കിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.