ഹോം ഫെസ്റ്റ് സീസൺ ജേതാക്കളായ ഇന്ത്യ ഇന്റർനാഷനൽ സ്കൂൾ ഷാർജ ടീം
ഷാർജ: യു.എ.ഇയിലെ സ്കൂളുകൾക്കായി ഇന്ത്യ ഇന്റർനാഷനൽ സ്കൂൾ സംഘടിപ്പിച്ച ഹോം ഫെസ്റ്റ് സീസണിൽ ഇന്ത്യ ഇന്റർനാഷനൽ സ്കൂൾ ഷാർജ ഓവറോൾ ജേതാക്കളായി. ഗൾഫ് ഏഷ്യൻ ഇംഗ്ലീഷ് സ്കൂൾ ഷാർജ ഫസ്റ്റ് റണ്ണർഅപ്പും ന്യൂ ഇന്ത്യൻ മോഡൽ സ്കൂൾ ദുബൈ സെക്കൻഡ് റണ്ണറപ്പുമായി. വിദ്യാർഥികളുടെ അഭിരുചികൾ വർധിപ്പിക്കൽ ലക്ഷ്യംവെച്ചാണ് മെഹന്തി ഡിസൈനിങ്, കുക്കിങ്, പെയിന്റിങ്, മാനിക്യൂൻ ചാലഞ്ച്, ടെറേറിയം, എഡിബിൾ അറേജ്മെന്റ് തുടങ്ങിയ വിഭാഗങ്ങളിൽ മത്സരം സംഘടിപ്പിച്ചത്. സാജിദ വട്ടോത്ത്, ആയിഷ ബിലാൽ, സഫ അസദ്, ഡോ. മഞ്ജു റെജി തുടങ്ങിയവർ ട്രോഫിയും സമ്മാനങ്ങളും വിതരണംചെയ്തു. ഷിഫാന മുഈസ്, ലക്ഷ്മി സുപ്രിയ സൗമ ഗോപൻ തുടങ്ങിയവർ നേതൃത്വം നൽകി. ഇന്ത്യ ഇന്റർനാഷനൽ സ്കൂൾ ഹോം സയൻസ് വിഭാഗമാണ് യു.എ.ഇയിലെ വിവിധ എമിറേറ്റുകളിൽനിന്നുള്ള 11 സ്കൂളുകൾ പങ്കെടുത്ത ഹോം ഫെസ്റ്റ് സീസൺ സെവൻ സംഘടിപ്പിച്ചത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.