എക്സ്പോക്ക് മുന്നോടിയായി ദുബൈ ടൂറിസ്റ്റ് പൊലീസ് സംഘടിപ്പിച്ച ബോധവത്കരണ പരിപാടി
ദുബൈ: ലോകത്തിെൻറ വിവിധ ഭാഗങ്ങളിൽനിന്ന് ആയിരങ്ങൾ എത്തിച്ചേരുന്ന എക്സ്പോ 2020ക്ക് ദുബൈ പൊലീസ് മുന്നൊരുക്കം സജീവമാക്കി. ഇതിെൻറ ഭാഗമായി ഹോട്ടൽ ജീവനക്കാർക്ക് ബോധവത്കരണം നടത്തി. സന്ദർശകരെ സ്വീകരിക്കാൻ ശ്രദ്ധിക്കേണ്ട കാര്യങ്ങൾ പഠിപ്പിക്കുക എന്ന ലക്ഷ്യത്തോടെയാണ് ദുബൈ ടൂറിസ്റ്റ് പൊലീസ് ബോധവത്കരണം സംഘടിപ്പിച്ചത്. ഹോട്ടലുകൾക്കും അധികാരികൾക്കുമിടയിൽ ശരിയായ ആശയവിനിമയം നിലനിർത്താനുള്ള പൊലീസിെൻറ ശ്രമത്തിെൻറ ഭാഗമാണ് പരിപാടിയെന്ന് ടൂറിസ്റ്റ് പൊലീസ് വകുപ്പ് ഡയറക്ടർ ഡോ. മുബാറക് സഈദ് സലീം ബിൻ നവാസ് അൽ കെത്ബി പറഞ്ഞു. ഹോട്ടൽ വ്യവസായത്തെ പിന്തുണക്കാൻ പൊലീസ് സദാസന്നദ്ധമാണ്.
സുരക്ഷാസേവനങ്ങൾ, ബോധവത്കരണം, മാർഗനിർദേശങ്ങൾ നൽകൽ എന്നിവ ഇതിനായി ചെയ്യുന്നു -അദ്ദേഹം പറഞ്ഞു. നിർദിഷ്ട മാനദണ്ഡങ്ങൾ പാലിക്കുന്നതിൽ വീഴ്ചവരുത്തരുതെന്നും ദുബൈയിലെത്തുന്ന സന്ദർശകർക്ക് പൂർണ സുരക്ഷയൊരുക്കുന്നത് പൊലീസ് ചുമതലയാണെന്നും അൽ കെത്ബി പറഞ്ഞു. അടിയന്തര സാഹചര്യങ്ങളിൽ ബന്ധപ്പെടേണ്ട രീതിയും സംവിധാനങ്ങളും അടക്കം ബോധവത്കരണ പരിപാടിയിൽ പരിചയപ്പെടുത്തി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.