ദുബൈ പൊലീസിന്റെ ആഡംബര ഇലക്ട്രിക് കാർ പുറത്തിറക്കുന്നു
ദുബൈ: ദുബൈ പൊലീസിന്റെ ആഡംബര വാഹനങ്ങളിലേക്ക് ആദ്യ ഇലക്ട്രിക് കാർ എത്തി. ദുബൈ പൊലീസ് ഓഫിസേഴ്സ് ക്ലബിൽ നടന്ന ചടങ്ങിലാണ് പുതിയ കാർ പുറത്തിറക്കിയത്. വൺ റോഡ് ഓട്ടോമോട്ട് കമ്പനിയുടെ ഹോങ്ക്വി ഇ-എച്ച്.എസ് 9 വാഹനമാണ് പൊലീസിന് സ്വന്തമായത്. ഹോങ്ക്വി കമ്പനിയുടെ ആദ്യ എസ്.യു.വിയാണിത്. അഞ്ച് സെക്കൻഡ് കൊണ്ട് പൂജ്യത്തിൽനിന്ന് 100 കിലോമീറ്റർ സ്പീഡിലേക്ക് കുതിക്കാൻ കഴിയും. ഫുൾ ചാർജ് ചെയ്താൽ 440 കിലോമീറ്റർ വരെ സഞ്ചരിക്കാം.
ആറുമുതൽ എട്ടുമണിക്കൂർ വരെയാണ് ഫുൾ ചാർജാവാൻ വേണ്ട സമയം. നിലവിൽ മെഴ്സിഡസ്, മസെറാറ്റി, ആസ്റ്റൺ മാർട്ടിൻസ്, കാഡിലാക് തുടങ്ങിയവയുടെ ആഡംബര കാറുണ്ടെങ്കിലും ഇലക്ട്രിക് കാറിന്റെ കുറവുണ്ടായിരുന്നു. ഇതാണ് നികത്തിയിരിക്കുന്നത്.
ദുബൈ മാരത്തൺ, യു.എ.ഇ ടൂർ പോലുള്ള ആഘോഷവേളകളിൽ ദുബൈ പൊലീസിന്റെ മറ്റ് കാറുകൾക്കൊപ്പം ഇനി ഇവനെയും കാണാൻ കഴിയും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.