പുതിയ ഘടനയിൽ ദുബൈ മുനിസിപ്പാലിറ്റി

ദു​ബൈ: ദു​ബൈ മു​നി​സി​പ്പാ​ലി​റ്റി​യു​ടെ പു​തി​യ സ്ഥാ​പ​ന ഘ​ട​ന​ക്ക്​ ദു​ബൈ കി​രീ​ടാ​വ​കാ​ശി​യും എ​ക്​​സി​ക്യൂ​ട്ടി​വ്​ കൗ​ൺ​സി​ൽ ചെ​യ​ർ​മാ​നു​മാ​യ ശൈ​ഖ്​ ഹം​ദാ​ൻ ബി​ൻ മു​ഹ​മ്മ​ദ്​ ബി​ൻ റാ​ശി​ദ്​ ആ​ൽ മ​ക്​​തൂം ഞാ​യ​റാ​ഴ്ച അം​ഗീ​കാ​രം ന​ൽ​കി. മു​നി​സി​പ്പാ​ലി​റ്റി​യു​ടെ ചെ​ല​വ് എ​ട്ട് ബി​ല്യ​ൺ ദി​ർ​ഹം കു​റ​ക്കാ​നും 10 ബി​ല്യ​ൺ ദി​ർ​ഹം മൂ​ല്യ​മു​ള്ള സാ​മ്പ​ത്തി​ക അ​വ​സ​ര​ങ്ങ​ൾ സൃ​ഷ്ടി​ക്കാ​നും ല​ക്ഷ്യം​വെ​ച്ചാ​ണ്​ പു​തി​യ ഘ​ട​ന​ക്ക്​ രൂ​പം​ന​ൽ​കു​ന്ന​ത്. യു.​എ.​ഇ വൈ​സ്​ പ്ര​സി​ഡ​ൻ​റും ​പ്ര​ധാ​ന​മ​ന്ത്രി​യും ദു​ബൈ ഭ​ര​ണാ​ധി​കാ​രി​യു​മാ​യ ശൈ​ഖ്​ മു​ഹ​മ്മ​ദ്​ ബി​ൻ റാ​ശി​ദ്​ ആ​ൽ മ​ക്​​തൂ​മി​ന്‍റെ നി​ർ​ദേ​ശം ന​ട​പ്പി​ലാ​ക്കു​ന്ന​തി​ന്‍റെ ഭാ​ഗ​മാ​യാ​ണ്​ മു​നി​സി​പ്പാ​ലി​റ്റി​യു​ടെ സ​മ​ഗ്ര​മാ​യ പു​നഃ​ക്ര​മീ​ക​ര​ണ​ത്തി​ന് അം​ഗീ​കാ​രം ന​ൽ​കു​ന്ന​തെ​ന്ന്​ ശൈ​ഖ്​ ഹം​ദാ​ന വ്യ​ക്​​ത​മാ​ക്കി.

പു​തി​യ ഘ​ട​ന​ക്കു​കീ​ഴി​ൽ മു​നി​സി​പ്പാ​ലി​റ്റി​യി​ൽ ആ​സൂ​ത്ര​ണ-​ഭ​ര​ണ സെ​ക്ട​റും ഇ​ൻ​സ്റ്റി​റ്റ്യൂ​ഷ​ന​ൽ സേ​വ​ന സെ​ക്ട​റും എ​ന്ന ര​ണ്ടു പ്ര​ധാ​ന മേ​ഖ​ല​ക​ളാ​ണു​ണ്ടാ​വു​ക. മു​നി​സി​പ്പാ​ലി​റ്റി​യു​ടെ മേ​ൽ​നോ​ട്ട​ത്തി​ലും മാ​നേ​ജ്മെ​ന്‍റി​ലും പ്ര​വ​ർ​ത്തി​ക്കു​ന്ന നാ​ല് പു​തി​യ സ്ഥാ​പ​ന​ങ്ങ​ളു​മു​ണ്ടാ​കും. പ​ബ്ലി​ക് യൂ​ട്ടി​ലി​റ്റീ​സ് എ​സ്റ്റാ​ബ്ലി​ഷ്‌​മെ​ന്‍റ്, പ​രി​സ്ഥി​തി, ആ​രോ​ഗ്യം, സു​ര​ക്ഷ എ​സ്റ്റാ​ബ്ലി​ഷ്‌​മെ​ന്‍റ്, കെ​ട്ടി​ട നി​യ​ന്ത്ര​ണ-​ലൈ​സ​ൻ​സി​ങ്​ എ​സ്റ്റാ​ബ്ലി​ഷ്‌​മെൻറ്, മാ​ലി​ന്യ-​ശു​ചി​ത്വ എ​സ്റ്റാ​ബ്ലി​ഷ്‌​മെ​ന്‍റ്​ എ​ന്നി​വ​യാ​യി​രി​ക്കും ഇ​വ.

പു​തി​യ ഘ​ട​ന​യി​ൽ ജ​ല​സേ​ച​ന സേ​വ​ന​ങ്ങ​ൾ, ന​ഗ​ര സൗ​ന്ദ​ര്യ​വ​ത്ക​ര​ണ​വും കൃ​ഷി​യും, വെ​റ്റ​റി​ന​റി സേ​വ​ന​ങ്ങ​ളും അ​റ​വു​ശാ​ല​ക​ളും, മാ​ലി​ന്യ സം​സ്ക​ര​ണം, മാ​ർ​ക്ക​റ്റ് മാ​നേ​ജ്മെൻറ്, പൊ​തു പാ​ർ​ക്കു​ക​ൾ, വി​നോ​ദ സൗ​ക​ര്യ​ങ്ങ​ളു​ടെ മാ​നേ​ജ്മെ​ന്‍റ്, ജ​ല ശു​ദ്ധീ​ക​ര​ണ പ്ലാ​ന്‍റു​ക​ളു​ടെ മാ​നേ​ജ്മെ​ന്‍റ്, സാ​ങ്കേ​തി​ക ല​ബോ​റ​ട്ട​റി മാ​നേ​ജ്മെ​ന്‍റ്​ എ​ന്നി​വ പു​തി​യ ഘ​ട​ന​യി​ൽ സ്വ​കാ​ര്യ​മേ​ഖ​ല​യു​ടെ പ​ങ്കാ​ളി​ത്ത​ത്തോ​ടെ​യാ​ണ്​ ന​ട​പ്പാ​ക്കു​ക. മു​നി​സി​പ്പാ​ലി​റ്റി​യു​ടെ പൊ​തു ആ​സ്തി​ക​ളു​ടെ സാ​മ്പ​ത്തി​ക, ടൂ​റി​സം, വാ​ണി​ജ്യ​പ​ര​മാ​യ ഗു​ണ​ഫ​ലം പ​ര​മാ​വ​ധി​യാ​ക്കാ​നാ​ണ് പു​തി​യ ഘ​ട​ന​യി​ലൂ​ടെ ല​ക്ഷ്യ​മി​ടു​ന്ന​ത്.

സേ​വ​ന​ങ്ങ​ളു​ടെ ഗു​ണ​നി​ല​വാ​ര​വും താ​മ​സ​ക്കാ​രു​ടെ സ​ന്തോ​ഷ​വും 20 ശ​ത​മാ​നം വ​ർ​ധി​ക്കു​ക​യും പ്ര​വ​ർ​ത്ത​ന ചെ​ല​വ് 10 ശ​ത​മാ​നം കു​റ​ക്കു​ക​യും ചെ​യ്യു​ന്ന പ​ദ്ധ​തി​യാ​യാ​ണി​ത്​ രൂ​പ​പ്പെ​ടു​ത്തി​യ​ത്. ഉ​ൽ​പാ​ദ​ന​ക്ഷ​മ​ത​യും കാ​ര്യ​ക്ഷ​മ​ത​യും വ​ർ​ധി​പ്പി​ക്കു​ന്ന​തി​നും മി​ക​ച്ച ഫ​ലം ഉ​റ​പ്പു​വ​രു​ത്തു​ന്ന​തി​നു​മാ​യി പു​തി​യ വ​കു​പ്പു​ക​ളും ഉ​ണ്ടാ​ക്കി​യി​ട്ടു​ണ്ട്. ഭ​ക്ഷ്യ​സു​ര​ക്ഷ വ​കു​പ്പ്, ഡി​ജി​റ്റ​ൽ ട്രാ​ൻ​സ്ഫോ​ർ​മേ​ഷ​ൻ വ​കു​പ്പ്, ന​ഗ​രാ​സൂ​ത്ര​ണ -ജീ​വി​ത​നി​ല​വാ​ര വ​കു​പ്പ്, എ​ന്‍റ​ർ​പ്രൈ​സ് റി​സ്ക് ആ​ൻ​ഡ് ബി​സി​ന​സ് വ​കു​പ്പ് എ​ന്നി​ങ്ങ​നെ വ​കു​പ്പു​ക​ൾ ഇ​തി​ൽ ഉ​ൾ​​പ്പെ​ടും.