ദു​ബൈ ഹെ​ൽ​ത്ത്​​ കെ​യ​ർ സി​റ്റി എ​ക്സി​റ്റ്​ ന​വീ​ക​ര​ണം അ​വ​സാ​ന​ഘ​ട്ട​ത്തി​ൽ

ദു​ബൈ: ന​ഗ​ര​ത്തി​ലെ ദു​ബൈ ഹെ​ൽ​ത്ത്​​കെ​യ​ർ സി​റ്റി എ​ക്സി​റ്റ്(​സ്​​ട്രീ​റ്റ്​ 13) ന​വീ​ക​ര​ണ പ്ര​വൃ​ത്തി​ക​ൾ അ​വ​സാ​ന​ഘ​ട്ട​ത്തി​ലാ​ണെ​ന്നും ഈ ​മാ​സം 20ഓ​ടെ പ​ദ്ധ​തി പൂ​ർ​ത്തി​യാ​കു​മെ​ന്നും ദു​ബൈ റോ​ഡ്​ ഗ​താ​ഗ​ത ​അ​തോ​റി​റ്റി(​ആ​ർ.​ടി.​എ) അ​റി​യി​ച്ചു. എ​മി​റേ​റ്റി​ലെ റോ​ഡ്​ ശൃം​ഖ​ല​യു​ടെ കാ​ര്യ​ക്ഷ​മ​ത വ​ർ​ധി​പ്പി​ക്കു​ന്ന​തി​നും ഗ​താ​ഗ​തം സു​ഗ​മ​മാ​ക്കു​ന്ന​തി​നും ല​ക്ഷ്യം​വെ​ച്ച്​ ന​ട​പ്പി​ലാ​ക്കു​ന്ന വി​വി​ധ പ​ദ്ധ​തി​ക​ളു​ടെ ഭാ​ഗ​മാ​യാ​ണി​ത്​ ആ​സൂ​ത്ര​ണം ചെ​യ്ത​ത്.

ഊ​ദ് മേ​ത്ത​യു​ടെ​യും ശൈ​ഖ്​ റാ​ശി​ദ് റോ​ഡി​ന്റെ​യും ക​വ​ല​യി​ലേ​ക്ക് പോ​കു​ന്ന പു​തി​യ ആ​ക്സി​ല​റേ​ഷ​ൻ ലെ​യ്ൻ പ​ദ്ധ​തി​യി​ൽ ചേ​ർ​ത്തി​ട്ടു​ണ്ട്. ഇ​തി​ലൂ​ടെ എ​ക്സി​റ്റി​ൽ നി​ർ​ത്തി​പ്പോ​കു​ന്ന രീ​തി​ക്കു​പ​ക​രം സ്വ​ത​ന്ത്ര​മാ​യി വാ​ഹ​ന​ങ്ങ​ൾ​ക്ക്​ ക​ട​ന്നു​പോ​കാ​ൻ സ​ഹാ​യി​ക്കും. കൂ​ടാ​തെ അ​ൽ റി​യാ​ദ് സ്ട്രീ​റ്റി​ൽ നി​ന്ന് ഊ​ദ് മേ​ത്ത, ​ശൈ​ഖ്​ റാ​ശി​ദ് റോ​ഡു​ക​ളു​ടെ ക​വ​ല​യി​ലേ​ക്ക് പോ​കു​ന്ന വാ​ഹ​ന​ങ്ങ​ൾ​ക്ക് വേ​ണ്ടി 500 മീ​റ്റ​ർ നീ​ള​ത്തി​ൽ സ​ർ​വി​സ് റോ​ഡ് എ​ക്സി​റ്റ് ഒ​രു ലെ​യ്നി​ൽ നി​ന്ന് ര​ണ്ട് ലെ​യ്നാ​യി വീ​തി​കൂ​ട്ടു​ന്നു​മു​ണ്ട്.

ദു​ബൈ ഹെ​ൽ​ത്ത്​​കെ​യ​ർ സി​റ്റി, ഊ​ദ്​ മേ​ത്ത എ​ന്നീ ഭാ​ഗ​ങ്ങ​ളി​ലെ ഗ​താ​ഗ​തം സു​ഗ​മ​മാ​ക്കാ​ൻ പ​ദ്ധ​തി സ​ഹാ​യി​ക്കും. പ്ര​ത്യേ​കി​ച്ച്​ ഈ പ്ര​ദേ​ശ​ങ്ങ​ൾ ധാ​രാ​ളം മെ​ഡി​ക്ക​ൽ സ്ഥാ​പ​ന​ങ്ങ​ൾ, ആ​ശു​പ​ത്രി​ക​ൾ, വി​ദ്യാ​ഭ്യാ​സ സ്ഥാ​പ​ന​ങ്ങ​ൾ, താ​മ​സ കേ​ന്ദ്ര​ങ്ങ​ൾ, ബി​സി​ന​സ്​ സ്ഥാ​പ​ന​ങ്ങ​ൾ എ​ന്നി​വ പ്ര​വ​ർ​ത്തി​ക്കു​ന്ന പ്ര​ദേ​ശ​മാ​യ​തി​നാ​ൽ നി​ര​വ​ധി യാ​ത്ര​ക്കാ​ർ​ക്ക്​ ഉ​പ​കാ​ര​പ്പെ​ടും.

ന​വീ​ക​ര​ണം പൂ​ർ​ത്തി​യാ​കു​ന്ന​തോ​ടെ മ​ണി​ക്കൂ​റി​ൽ ഈ ​ഭാ​ഗ​ത്ത്​ ക​ട​ന്നു​പോ​കാ​വു​ന്ന വാ​ഹ​ന​ങ്ങ​ളു​ടെ എ​ണ്ണം ഇ​ര​ട്ടി​യാ​കും. അ​തോ​ടൊ​പ്പം ഗ​താ​ഗ​ത​ക്കു​രു​ക്ക്​ കു​റ​ക്കു​ക​യും കാ​ത്തി​രി​പ്പ്​ സ​മ​യം കു​റ​യു​ക​യും 50 ശ​ത​മാ​നം മെ​ച്ച​പ്പെ​ടു​ത്തു​ക​യും ചെ​യ്യും. ഈ ​ഭാ​ഗ​ത്ത്​ നേ​ര​ത്തെ​യും വി​വി​ധ ന​വീ​ക​ര​ണ പ്ര​വ​ർ​ത്ത​ന​ങ്ങ​ൾ ആ​ർ.​ടി.​എ പൂ​ർ​ത്തി​യാ​ക്കി​യി​രു​ന്നു.