ക​ണ്ടെ​യ്ന​റി​ന​ക​ത്ത് ആ​ശു​പ​ത്രി ‘മെ​യ്ക് ഇ​റ്റ് ഇ​ൻ ദി ​എ​മി​റേ​റ്റ്​​സി’​ൽ ശ്ര​​ദ്ധ​നേ​ടി ‘ഡോ​ക്ടൂ​ർ’

അ​ബൂ​ദ​ബി: ആ​രോ​ഗ്യ​വും ലോ​ജി​സ്റ്റി​ക്‌​സും സ​മ​ന്വ​യി​പ്പി​ക്കു​ന്ന ന​വീ​ന പ​ദ്ധ​തി​യാ​യ ‘ഡോ​ക്ടൂ​ർ’ അ​ബൂ​ദ​ബി​യി​ൽ ന​ട​ക്കു​ന്ന ‘മെ​യ്ക് ഇ​റ്റ് ഇ​ൻ ദി ​എ​മി​റേ​റ്റ്​​സ്​’ പ​രി​പാ​ടി​യി​ൽ അ​വ​ത​രി​പ്പി​ച്ച് ബു​ർ​ജീ​ൽ ഹോ​ൾ​ഡി​ങ്‌​സ്. അ​ബൂ​ദ​ബി പോ​ർ​ട്ട്സ് ഗ്രൂ​പ്പു​മാ​യി (എ.​ഡി പോ​ർ​ട്ട്സ്) ചേ​ർ​ന്ന് ആ​ഗോ​ള​ത​ല​ത്തി​ൽ ന​ട​പ്പി​ലാ​ക്കു​ന്ന സം​രം​ഭം യു.​എ.​ഇ വ്യ​വ​സാ​യ, നൂ​ത​ന സാ​ങ്കേ​തി​ക​വി​ദ്യ മ​ന്ത്രി ഡോ. ​സു​ൽ​ത്താ​ൻ അ​ൽ ജാ​ബി​റി​ന്റെ സാ​ന്നി​ധ്യ​ത്തി​ൽ ഉ​ദ്ഘാ​ട​നം ചെ​യ്‌​തു. എ.​ഡി പോ​ർ​ട്സ് ഗ്രൂ​പ് മാ​നേ​ജി​ങ് ഡ​യ​റ​ക്ട​റും ഗ്രൂ​പ് സി.​ഇ.​ഒ​യു​മാ​യ ക്യാ​പ്റ്റ​ൻ മു​ഹ​മ്മ​ദ് ജു​മ അ​ൽ ശം​സി, ബു​ർ​ജീ​ൽ ഹോ​ൾ​ഡി​ങ്സ് സ്ഥാ​പ​ക​നും ചെ​യ​ർ​മാ​നു​മാ​യ ഡോ. ​ഷം​ഷീ​ർ വ​യ​ലി​ൽ എ​ന്നി​വ​ർ ച​ട​ങ്ങി​ൽ പ​ങ്കെ​ടു​ത്തു.

പ​ര​മ്പ​രാ​ഗ​ത ആ​ശു​പ​ത്രി സ​ങ്ക​ൽ​പ​ങ്ങ​ളി​ൽ​നി​ന്നും വ്യ​ത്യ​സ്ത​മാ​യി പ്ര​വ​ർ​ത്തി​ക്കു​ന്ന സം​വി​ധാ​ന​മാ​ണ് ക​ണ്ടെ​യ്ന​ർ ആ​ശു​പ​ത്രി​ക​ൾ, ക്ലി​നി​ക്കു​ക​ൾ, ഫീ​ൽ​ഡ് ആ​ശു​പ​ത്രി​ക​ൾ, സ്ഥി​ര​മാ​യ ആ​രോ​ഗ്യ​സം​ര​ക്ഷ​ണ സം​വി​ധാ​ന​ങ്ങ​ൾ എ​ന്നി​വ ഉ​ൾ​പ്പെ​ടു​ന്ന ‘ഡോ​ക്ടൂ​ർ’. അ​തി​നൂ​ത​ന മെ​ഡി​ക്ക​ൽ സാ​ങ്കേ​തി​ക​വി​ദ്യ​ക​ൾ, വി​ദ​ഗ്ധ ഡോ​ക്ട​ർ​മാ​ർ എ​ന്നി​വ ഉ​ൾ​പ്പെ​ടു​ത്തി രൂ​പ​ക​ൽ​പ​ന ചെ​യ്തി​ട്ടു​ള്ള ക​ണ്ടെ​യ്ന​ർ ആ​ശു​പ​ത്രി​ക​ളി​ലൂ​ടെ വൈ​ദ്യ​സ​ഹാ​യം ല​ഭ്യ​മ​ല്ലാ​ത്ത സ്ഥ​ല​ങ്ങ​ളി​ലും, പ്ര​കൃ​തി​ദു​ര​ന്ത സ​മ​യ​ങ്ങ​ളി​ലും അ​തി​വേ​ഗം സ​ഹാ​യം എ​ത്തി​ക്കാ​ൻ സാ​ധി​ക്കു​മെ​ന്ന​താ​ണ് പ്ര​ത്യേ​ക​ത. ‘ഡോ​ക്ട​ർ’, ‘ടൂ​ർ’ എ​ന്നീ വാ​ക്കു​ക​ളി​ൽ നി​ന്നാ​ണ് ‘ഡോ​ക്ടൂ​ർ’ എ​ന്ന പേ​രി​ന്റെ ഉ​ത്ഭ​വം.

ലോ​ക​ത്തു​ട​നീ​ളം 34 ടെ​ർ​മി​ന​ലു​ക​ളി​ൽ സാ​ന്നി​ധ്യ​മു​ള്ള എ.​ഡി പോ​ർ​ട്ട്സി​ന് 247 ക​പ്പ​ലു​ക​ൾ ഉ​ൾ​പ്പെ​ടു​ന്ന വ​ൻ ലോ​ജി​സ്റ്റി​ക്സ് ശ്രേ​ണി​യാ​ണു​ള്ള​ത്. എ.​ഡി പോ​ർ​ട്ട്സി​ന്റെ ലോ​ജി​സ്റ്റി​ക്സ് സം​വി​ധാ​ന​വും ബു​ർ​ജീ​ൽ ഹോ​ൾ​ഡി​ങ്സി​ന്റെ ഹെ​ൽ​ത്ത്കെ​യ​ർ നെ​റ്റ്​​വ​ർ​ക്കും കോ​ർ​ത്തി​ണ​ക്കു​ന്ന ‘ഡോ​ക്ടൂ​ർ’ ആ​ഗോ​ള ആ​രോ​ഗ്യ വി​ത​ര​ണ ശൃം​ഖ​ല കാ​ര്യ​ക്ഷ​മ​മാ​ക്കു​ക​യും ന​വീ​ക​രി​ക്കു​ക​യും ചെ​യ്യും.

ആ​രോ​ഗ്യ സം​ര​ക്ഷ​ണ​ത്തി​ന്റെ അ​ഭാ​വ​മു​ള്ള മേ​ഖ​ല​ക​ളി​ൽ വി​വി​ധ പ​ങ്കാ​ളി​ത്ത​ങ്ങ​ളി​ലൂ​ടെ ഉ​യ​ർ​ന്ന നി​ല​വാ​ര​മു​ള്ള പ​രി​ച​ര​ണം സ്ഥി​ര​മാ​യി ന​ൽ​കു​ക എ​ന്ന​താ​ണ് ഇ​തി​ലൂ​ടെ ല​ക്ഷ്യ​മി​ടു​ന്ന​തെ​ന്ന്​ ഡോ. ​ഷം​ഷീ​ർ വ​യ​ലി​ൽ പ​റ​ഞ്ഞു. പ​ദ്ധ​തി​യു​ടെ ആ​ദ്യ​ഘ​ട്ട​ത്തി​ൽ ആ​ഫ്രി​ക്ക​യി​ലു​ട​നീ​ളം അ​ടി​സ്ഥാ​ന സൗ​ക​ര്യ​ങ്ങ​ളും മി​ക​ച്ച ആ​രോ​ഗ്യ​സേ​വ​ന​ങ്ങ​ളും എ​ത്തി​ക്കും. പ​ദ്ധ​തി​യു​ടെ സേ​വ​ന​ങ്ങ​ൾ കൂ​ടു​ത​ൽ ആ​ളു​ക​ളി​ലേ​ക്ക് എ​ത്തി​ക്കു​ന്ന​തി​നാ​യി ഗ​വ​ൺ​മെ​ന്റു​ക​ൾ, പ്രാ​ദേ​ശി​ക ആ​രോ​ഗ്യ സ്ഥാ​പ​ന​ങ്ങ​ൾ, ഹ്യു​മാ​നി​റ്റേ​റി​യ​ൻ ഏ​ജ​ൻ​സി​ക​ൾ എ​ന്നി​വ​യു​മാ​യി ചേ​ർ​ന്ന് പ്ര​വ​ർ​ത്തി​ക്കും.

അ​ടി​യ​ന്ത​ര സാ​ഹ​ച​ര്യ​ങ്ങ​ളി​ലും പ​ക​ർ​ച്ച വ്യാ​ധി​ക​ൾ പൊ​ട്ടി​പ്പു​റ​പ്പെ​ടു​മ്പോ​ഴും ദേ​ശീ​യ ആ​രോ​ഗ്യ മ​ന്ത്രാ​ല​യ​ങ്ങ​ൾ, അ​ന്താ​രാ​ഷ്ട്ര സ​ർ​ക്കാ​റി​ത​ര സം​ഘ​ട​ന​ക​ൾ, യു.​എ.​ഇ​യു​ടെ ഹ്യു​മാ​നി​റ്റേ​റി​യ​ൻ സം​രം​ഭ​ങ്ങ​ൾ എ​ന്നി​വ​യു​മാ​യി ചേ​ർ​ന്ന് അ​ടി​യ​ന്ത​ര പ​രി​ച​ര​ണം ന​ൽ​കു​മെ​ന്നും പ്ര​സ്താ​വ​ന​യി​ൽ വ്യ​ക്​​ത​മാ​ക്കി.