സങ്കടക്കാറുകൾ നീക്കി സ​ന്തോഷം പെയ്യിച്ച്​ ബഷീർക്ക​ ഒറ്റപ്പാലത്തേക്ക്​

ഷാർജ: സ്വന്തമായി ഒരു കാറുവാങ്ങണം എന്ന വലിയ സ്വപ്​നവുമുരുട്ടിക്കൊണ്ടാണ്​ പച്ചപ്പും ഭാരതപ്പുഴയിൽ നിന്നുള്ള കുളിർക്കാറ്റും നിറഞ്ഞ ഒറ്റപ്പാലം വിട്ട്​ വീട്ടിലകത്ത്​ മുഹമ്മദ്​ ബഷീർ മരുമണ്ണിൽ വന്നിറങ്ങുന്നത്​. അന്നത്തെ വരുമാനം പക്ഷെ കാറു വാങ്ങാൻ തികയില്ലായിരുന്നു, അല്ലെങ്കിൽ അതിനേക്കാൾ വലിയ ആവശ്യങ്ങളുണ്ടായിരുന്നു. 38 വർഷങ്ങൾക്ക്​ ശേഷം സംതൃപ്​തിയോടെ, സമാധാനത്തോ​െ​ട നാട്ടിലേക്ക്​ മടങ്ങു​േമ്പാഴേക്ക്​ മക്കളടക്കം പ്രിയപ്പെട്ടവർ കാറും മറ്റു വാഹനങ്ങളും വാങ്ങി. സഹോദരങ്ങളെയും ബന്ധുക്കളെയും സുഹൃത്തുക്കളെയും ഇവിടെയെത്തിക്കുവാനും അവരുടെ ജീവിതത്തിൽ​ വർണങ്ങൾ നിറയുന്നതിന്​ സന്തോഷപൂർവം സാക്ഷ്യം വഹിക്കാനും ബഷീറിനായി. 

1982ൽ യു.എ.ഇയിൽ എത്തിയ ശേഷം പത്തുവർഷത്തോളം ഷാർജ മുൻസിപ്പാലിറ്റിയിലും പിന്നീട് ഒരു പതിറ്റാണ്ട്​ ഷംസുൽ മആറഫ് ബുക്ക് ഷോപ്പിലും ജോലി ചെയ്തു. ഷാർജ 'ഷോയ്‌ഫാത്ത് ഇൻറർനാഷനൽ സ്കൂളിൽ' 18 വർഷത്തെ സേവനം പൂർത്തിയാക്കിയാണ് നാട്ടിലേക്ക്​ പോകുന്നത്​.

LATEST VIDEO

ഒറ്റപ്പാലത്തുകാരുടെ പ്രാദേശിക കൂട്ടായ്മയിൽ സജീവമായി നിലകൊണ്ട ഇദ്ദേഹം മുഖേന അൻപതിൽപരം ആളുകൾക്ക് വിവിധ മേഖലകളിൽ തൊഴിൽ നേടാനായി. ഇന്ത്യൻ മീഡിയ ഫോറം സ്ഥാപക പ്രസിഡൻറായിരുന്ന പ്രമുഖ മാധ്യമപ്രവർത്തകൻ പി.വി. വിവേകാനന്ദൻ സഹോദരതുല്യനായിരുന്നു.  സാംസ്​കാരിക^രാഷ്​ട്രീയ പ്രവർത്തകൻ പുന്നക്കൻ മുഹമ്മദലിയായിരുന്നു മറ്റൊരു കൂട്ട്​. 

സാമൂഹിക അകലം പാലിച്ചുകൊണ്ട് കോറോണയെന്ന മഹാവിപത്തിനെ നേരിടുന്ന ഈ സമയത്ത് ഒരു വലിയ ഒത്തുകൂടൽ സാധ്യമല്ലാതിരുന്നിട്ടും നാട്ടുകാരിൽ നിരവധിപേർ സൂം മീറ്റിങ്ങിലൂടെ ഒത്തുകൂടി പ്രിയപ്പെട്ട ബഷീർക്കാക്ക് ലളിതമായ യാത്രയയപ്പു നൽകി. എം.വി. അബ്ബാസ്, വിജയകുമാർ നായർ, അക്ബർ ഒ.കെ, ഉമ്മർ ഒറ്റപ്പാലം തുടങ്ങിയവർ നേതൃത്വം നൽകി.

ആസ്വദിച്ച്​ കൊതിതീരും മുൻപേ വിട്ടുപോന്ന ഇൗസ്​റ്റ്​ ഒറ്റപ്പാലത്ത്​ പ്രിയപത്നി സൈനബക്കും മക്കൾക്കുമൊപ്പം ചെലവഴിക്കാനാണ് ബഷീർ ആഗ്രഹിക്കുന്നത്. ദുബൈ ഇസ്​ലാമിക് ബാങ്കിൽ ഐ.ടി സപ്പോർട്ട് എൻജിനീയറായ മൂത്തമകൻ മുഹമ്മദ് ഫൈസൽ, ഭാര്യ ഷഹീദ എന്നിവർ ഷാർജയിൽ താമസിക്കുന്നു. രണ്ടാമത്തെ മകൻ മുഹമ്മദ് അഫ്സൽ ഒറ്റപ്പാലത്ത് ഐ.ടി മാജിക് കംപ്യൂട്ടേഴ്സ് സ്ഥാപനം നടത്തുന്നു. ശ്രീകൃഷ്​ണപുരം ഗവ. എൻജിനീയറിങ്​ കോളജ്​ വിദ്യാർഥി യൂനിയൻ ചെയർമാൻ മുഹമ്മദ് അജ്മൽ, ബി.എസ്‌സി വിദ്യാർഥിനി ഫാത്തിമ അൻസിയ എന്നിവരാണ്​ ഇളയമക്കൾ.