ദുബൈ: ലോകകപ്പ് ഫുട്ബാളിനോടനുബന്ധിച്ച് എ.ബി.സി കാർഗോ സംഘടിപ്പിച്ച ‘ഷൂട്ടൗട്ട്’ പ്രവചന മത്സരത്തിലെ വിജയികൾക്ക് സമ്മാനം വിതരണം ചെയ്തു. കിസൈസ് ലുലുവിൽ നടന്ന ചടങ്ങിൽ വിശിഷ്ട വ്യക്തികളും അതിഥികളും പങ്കെടുത്തു. ലോകകപ്പിനോടനുബന്ധിച്ച് ജി.സി.സിയിൽ നടന്ന ഏറ്റവും വലിയ പ്രവചന മത്സരങ്ങളിലൊന്നാണിത്.
ഒന്നാം സമ്മാനമായ ബി.എം.ഡബ്ല്യു എക്സ് വൺ കാർ ലഭിച്ചത് സയ്യിദ് സിയാദിനാണ്. പി. ഫാജിദ്, മുഹമ്മദ് റിയാസ് എന്നിവർ രണ്ടാം സമ്മാനമായ 50 ഗ്രാം സ്വർണമടങ്ങിയ ഗോൾഡൻ ബാളും 25 ഗ്രാം സ്വർണമടങ്ങിയ ഗോൾഡൻ ബൂട്ടും സ്വന്തമാക്കി. എ.ബി.സി കാർഗോ ചെയർമാൻ ഡോ. ഷെരിഫ് അബ്ദുൽ ഖാദർ, ഷെസ ഷെരിഫ്, ഷസിൽ ഷെരിഫ്, ഡയറക്ടർമാരായ റഷീദ് അബ്ദുൽ ഖാദർ, ഷാജഹാൻ അബ്ദുൽ ഖാദർ എന്നിവർ പങ്കെടുത്തു.
ഇത്തരം ജനപങ്കാളിത്തമുള്ള മത്സരങ്ങൾ നടത്താൻ ഇനിയും ശ്രമിക്കുമെന്നും എല്ലാവരോടും നന്ദി അറിയിക്കുന്നതായും ഷെരീഫ് അബ്ദുൽ ഖാദർ അറിയിച്ചു. ജനറൽ മാനേജർ നിഷാദ് മുഹമ്മദ്, ഓപറേഷൻസ് മാനേജർ അഭിലാഷ് വിജയൻ, ഹക്കിം, നിധിൻ, സുനിൽ ഭാട്ടിയ തുടങ്ങിയവരും പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.