അബൂദബി: സീറോ മലബാർ സഭയുടെ ഔദ്യോഗിക യുവജന സംഘടനയായ സീറോ മലബാർ യൂത്ത് മൂവ്മെൻറ് ( എസ്എംവൈഎം) അബൂദബി ചാപ്റ്റർ ക്രിസ്മസ് ആഘോഷം സംഘടിപ്പിച്ചു . അബൂദബി കേരള സോഷ്യൽ സെൻററിൽ വെള്ളിയാഴ്ച്ച ‘പുണ്യം പിറന്ന പുൽക്കൂട്’ എന്ന പേരിൽ സംഘടിപ്പിച്ച ആഘോഷരാവ് എസ്എംവൈഎം മാർഗദർശികളായ ബിജു ഡൊമിനികും ബിജു മാത്യുവും തിരി തെളിച്ച് ഉദ്ഘാടനം ചെയ്തു. ചടങ്ങിൽ വർക്കിങ് പ്രസിഡൻറ് നിക്കി കാഞ്ഞിരക്കാട്ട് സന്ദേശം നൽകി. ബിജു ഡൊമിനിക്, ജോജി അലക്സാണ്ടർ, ഷാനി ബിജു എന്നിവർ സംസാരിച്ചു. വിവിധ മേഖലകളിൽ വ്യക്തിമുദ്ര പതിപ്പിച്ചവരെ എസ്എംവൈഎം എക്സലൻസ് അവാർഡ് നൽകി ആദരിച്ചു. ആൽബിൻ പാട്രിക് , ജോഫി ജോസ്, പീയൂസ് ജോസഫ്, ജിമ്മി വർഗ്ഗീസ് എന്നിവർ യഥാക്രമം സ്റ്റുഡൻറ് എക്സലൻസ് അവാർഡ്, യൂത്ത് എക്സലൻസ് അവാർഡ്, ബിസിനസ് എക്സലൻസ് അവാർഡ്, പ്രഫഷണൽ അവാർഡ് എന്നിവയ്ക്ക് അർഹരായി. വിദ്യാഭ്യാസ ജീവകാരുണ്യ പദ്ധതിയായ എജുഫണ്ട് 2018 െൻറ ഔപചാരിക ഉദ്ഘാടനവും നടന്നു. തുടർന്ന് വിവിധ കലാപരിപാടികളും നടന്നു. ടോം ജോസ് സ്വാഗതവും മിൻറു എബ്രഹാം നന്ദിയും പറഞ്ഞു . ജസ്റ്റിൻ കെ. മാത്യു , ജേക്കബ് ചാക്കോ, ടിൻസൺ ദേവസിയ, അനു ജസ്റ്റിൻ, റോയ്മോൻ, ജോപ്പൻ ജോസ്, സിജോ ഫ്രാൻസിസ് , ജിേൻറാ ജെയിംസ്, സിനി ഡാൽജൻ, ജിതിൻ ജോണി, ബിജു തോമസ്, അമൽ ചാക്കോ, നോബിൾ കെ. ജോസഫ് എന്നിവർ പരിപാടിക്ക് നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.