അബൂദബി: രക്തസാക്ഷിത്വ ദിനം, ദേശീയ ദിനം എന്നിവയോട് അനുബന്ധിച്ച് യു.എ.ഇയില് സര്ക്കാര് മേഖലക്ക് അഞ്ച് ദിവസം അവധി ലഭിക്കും. ഡിസംബര് ഒന്ന് മുതല് അഞ്ച് വരെയാണ് അവധി ലഭിക്കുക. ഡിസംബര് ഒന്നിന് അവധി ആരംഭിച്ച ശേഷം ഡിസംബര് ആറ് ഞായറാഴ്ച മാത്രമേ സര്ക്കാര് സ്ഥാപനങ്ങള് പ്രവര്ത്തിക്കുകയുള്ളൂ. നവംബര് 30 ആണ് രാജ്യത്ത് രക്തസാക്ഷിത്വ ദിനമായി ആചരിക്കുന്നത്. രണ്ട് പ്രവൃത്തി ദിവസങ്ങള്ക്കിടയില് പൊതു അവധി ദിവസം വന്നാല് അവധിയുടെ തുടക്കത്തിലേക്കോ അവസാനത്തിലേക്കോ മാറ്റുന്നതിന്െറ ഭാഗമായാണ് തുടര്ച്ചയായി അഞ്ച് ദിവസം അവധി ലഭിക്കുന്നതെന്ന് സര്ക്കാര് മനുഷ്യ വിഭവ ശേഷി ഫെഡറല് അതോറിറ്റി അറിയിച്ചു. ഡിസംബര് രണ്ട്, മൂന്ന് തീയതികള് ദേശീയ ദിന അവധിയാണ്. ഇതോടൊപ്പം രക്തസാക്ഷിത്വ ദിന, വാരാന്ത്യ അവധികള് കൂടി ചേര്ത്താണ് അഞ്ച് ദിവസം അവധി ലഭിക്കുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.