ഉറക്കം കെടുത്തുന്ന മുഖങ്ങൾ

ഫ​ല​സ്തീ​ൻ ജ​ന​ത​യു​ടെ സ​ങ്ക​ട​ക്കാ​ഴ്ച​ക​ളി​ലൂ​ടെ​യാ​ണ​ല്ലോ ന​മ്മു​ടെ ദി​ന​ങ്ങ​ൾ ക​ട​ന്നു​പോ​കു​ന്ന​ത്. ഇ​ന്നോ ഇ​ന്ന​ലെ​യോ തു​ട​ങ്ങി​യ​ത​ല്ല. പ​ക്ഷെ ലോ​കം അ​വ​രെ ശ്ര​ദ്ധി​ച്ച​തും ഓ​രോ ജീ​വ​നും വി​ല​യു​ണ്ടെ​ന്ന് മ​ന​സ്സി​ലാ​ക്കി​യ​തും ഇ​സ്രാ​യേ​ലി​ന് തി​രി​ച്ച​ടി കി​ട്ടി​യ​പ്പോ​ൾ മാ​ത്ര​മാ​ണ്. ചെ​റു​ത്തു​നി​ൽ​പ്പി​നെ തീ​വ്ര​വാ​ദ​മാ​യി ചി​ത്രീ​ക​രി​ക്കു​ന്ന​വ​രും ‘എ​ലി​യെ വി​ട്ട് ആ​ന​യെ വ​രു​ത്തി​യ​വ​ർ’, ‘ചു​മ്മാ ഇ​രി​ക്കു​ന്ന​വ​രെ തോ​ണ്ടി ഇ​ര​ന്ന് വാ​ങ്ങി​യ​വ​ർ’ എ​ന്നൊ​ക്കെ വി​ശേ​ഷി​പ്പി​ക്കു​ന്ന​വ​രു​മാ​ണ് സോ​ഷ്യ​ൽ മീ​ഡി​യ നി​റ​യെ.

ച​രി​ത്ര​മോ സ​ത്യ​മോ അ​റി​യാ​ഞ്ഞി​ട്ട​ല്ല, ഉ​റ​ക്കം ന​ടി​ക്കു​ക​യാ​ണ്. അ​വ​രെ ഉ​ണ​ർ​ത്താ​ൻ ക​ഴി​യി​ല്ല. നു​ണ മാ​ത്രം പ്ര​ച​രി​പ്പി​ക്കു​ന്ന മാ​ധ്യ​മ​ങ്ങ​ളു​ടെ പ​ങ്കും ചെ​റു​ത​ല്ല. 2023 സെ​പ്റ്റം​ബ​ർ വ​രെ മാ​ത്രം ഇ​രു​നൂ​റി​ല​ധി​കം ഫ​ല​സ്തീ​നി​ക​ൾ പ​ല ത​വ​ണ​യാ​യി ഇ​സ്രാ​യേ​ലി പ​ട്ടാ​ള​ക്കാ​രാ​ൽ കൊ​ല്ല​പ്പെ​ട്ടി​ട്ടു​ണ്ട്. പ​ക്ഷെ വാ​ർ​ത്ത​യ​ല്ല.

സ്വ​ന്തം നാ​ട്ടി​ൽ ജ​യി​ലി​ലെ​ന്ന പോ​ലെ അ​ഭ​യം കൊ​ടു​ത്ത​വ​രാ​ൽ ജീ​വി​ക്കേ​ണ്ടി വ​രു​ക എ​ന്ന​ത് എ​ത്ര​ത്തോ​ളം ഭ​യാ​ന​ക​ര​മാ​ണ്, എ​ന്തൊ​ര​വ​സ്ഥ​യാ​ണ​ത്! ഭ​ക്ഷ​ണ​മോ വെ​ള്ള​മോ ഇ​ല്ലാ​തെ ഒ​രു മാ​നു​ഷി​ക പ​രി​ഗ​ണ​യും കി​ട്ടാ​തെ ഒ​രു ജ​ന​ത... മ​നു​ഷ്യ​ത്വ​ത്തെ പ​റ്റി വാ ​തോ​രാ​തെ സം​സാ​രി​ക്കു​ന്ന ലോ​ക​മേ നി​ങ്ങ​ളൊ​ക്കെ എ​വി​ടെ എ​ന്ന ഫ​ല​സ്തീ​നി വി​ദ്യാ​ർ​ഥി​നി​യു​ടെ ചോ​ദ്യം ന​മ്മു​ടെ​യൊ​ക്കെ ഹൃ​ദ​യ​ത്തി​ൽ വ​ന്ന് ത​റ​ക്കു​ന്നു​ണ്ട്.

അ​ത്യാ​വ​ശ്യ​ത്തി​നു​ള്ള മ​രു​ന്നോ സേ​വ​ന​മോ ന​ൽ​കാ​ൻ ക​ഴി​യാ​ത്ത ആ​ശു​പ​ത്രി​ക്ക്​ മു​ക​ളി​ൽ പോ​ലും ബോം​ബി​ട്ടു അ​ഞ്ഞൂ​റി​ല​ധി​കം പേ​രു​ടെ ജീ​വ​നെ​ടു​ക്ക​ണ​മെ​ങ്കി​ൽ എ​ത്ര വ​ലി​യ തെ​മ്മാ​ടി​ക്കൂ​ട്ട​ങ്ങ​ളാ​യി​രി​ക്കും അ​വ​ർ!

ത​ക​ർ​ന്ന് കി​ട​ക്കു​ന്ന ചു​വ​രു​ക​ൾ​ക്കി​ട​യി​ൽ അ​ബ്‌​ദു​ല്ല എ​ന്ന് വി​ളി​ച്ച് മ​ക​നെ തി​ര​യു​ന്ന പി​താ​വി​ന്റെ​യും ബോം​ബേ​റി​ൽ​നി​ന്ന്​ ര​ക്ഷ​പ്പെ​ട്ടി​ട്ടും അ​തു​ണ്ടാ​ക്കി​യ ട്രോ​മ​യി​ൽ​നി​ന്നും മോ​ചി​ത​നാ​വാ​തെ ക​ര​യാ​ൻ പോ​ലും ക​ഴി​യാ​തെ വി​റ​ച്ചു​നി​ൽ​ക്കു​ന്ന മോ​​ന്റെ​യും എ​ന്റെ ആ​ങ്ങ​ള​യെ വി​ട്ടു​ത​രാ​മോ എ​ന്ന് പ​ട്ടാ​ള​ക്കാ​ര​നോ​ട് കെ​ഞ്ചു​ന്ന പെ​ങ്ങ​ളു​ടെ​യും മു​ഖ​ങ്ങ​ൾ മ​ന​സ്സി​ൽ മാ​റി മാ​റി തെ​ളി​യു​ന്നു.

അ​ങ്ങ​നെ എ​ത്ര​യെ​ത്ര മു​ഖ​ങ്ങ​ൾ... അ​ബ്‌​ദു​ല്ല​യെ ജീ​വ​നോ​ടെ ആ ​പി​താ​വി​ന് ല​ഭി​ച്ചി​ട്ടു​ണ്ടാ​വോ? മ​രി​ച്ചി​ട്ടി​ല്ലെ​ങ്കി​ൽ ഒ​രി​റ്റു ജീ​വ​ജ​ലം കൊ​ടു​ക്കാ​ൻ വെ​ള്ളം കി​ട്ടു​മോ! എ​ന്നാ​ണ് ഫ​ല​സ്തീ​ൻ ജ​ന​ത​ക്ക് സ്വ​സ്ഥ​മാ​യി ജീ​വി​ക്കാ​ൻ ക​ഴി​യു​ക? മ​ന​സ്സി​ൽ ഒ​രു​പാ​ട് ചോ​ദ്യ​ങ്ങ​ളു​മാ​യാ​ണ് നേ​രം വെ​ളു​പ്പി​ക്കാ​ൻ ശ്ര​മി​ക്കു​ന്ന​ത്. അ​വ​ർ​ക്ക് കൊ​ടു​ക്കാ​ൻ ന​മ്മു​ടെ കൈ​യി​ലു​ള്ള ആ​യു​ധം പ്രാ​ർ​ഥ​ന മാ​ത്ര​മാ​ണ്.