റിയാദ്: കെട്ടിടത്തിൽനിന്നു വീണു പരിക്കേറ്റ മലയാളിയെ കേളി കലാസാംസ്കാരിക വേദി ജീവകാരുണ്യ വിഭാഗം പ്രവർത്തകരുടെ ഇടപെടലിൽ നാട്ടിലെത്തിച്ചു. കൊല്ലം ചാത്തന്നൂർ സ്വദേശി രാജു ശിവദാസനാണ് മുസഹ്മിയയിൽ ജോലിക്കിടെ കെട്ടിടത്തിൽനിന്നു വീണ് പരിക്കേറ്റത്. വീഴ്ചയിൽ നട്ടെല്ലിനും കാലിനും സാരമായി പരിക്കേറ്റ ഇയാൾ ഒരാഴ്ചയിലധികം ആശുപത്രിയിൽ ചികിത്സയിലായിരുന്നു. തുടർചികിത്സക്കായി നാട്ടിലേക്കു പോകാൻ സഹായം ചെയ്യണമെന്ന് രാജുവിെൻറ സുഹൃത്തുക്കൾ കേളിയോട് ആവശ്യപ്പെടുകയായിരുന്നു. തുടർന്ന് കേളി മുസഹ്മിയ ഏരിയ ജീവകാരുണ്യ വിഭാഗം പ്രവർത്തകർ ആവശ്യമായ യാത്രാരേഖകളും യാത്രചെയ്യാനുള്ള വീൽചെയറും ഒരുക്കി നൽകി. കഴിഞ്ഞ ദിവസത്തെ വിമാനത്തിൽ നാട്ടിലേക്കു തിരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.