സം​ഗീ​താ​സ്വാ​ദ​ക​രു​ടെ 'ഇ​ശ​ൽ'

റി​യാ​ദ്: റി​യാ​ദി​ലെ സം​ഗീ​ത വേ​ദി​ക​ളി​ലെ സ്ഥി​രം സാ​ന്നി​ധ്യ​മാ​ണ് ഇ​ശ​ൽ ആ​ഷി​ഫ്. പാ​ല​ക്കാ​ട് ജി​ല്ല​യി​ലെ ആ​ല​ത്തൂ​ർ സ്വ​ദേ​ശി​നി​യാ​ണ് ഈ ​ഏ​ഴാം വ​യ​സ്സു​കാ​രി. ത​​ന്റെ പേ​രി​നെ അ​ന്വ​ർ​ഥ​മാ​ക്കും വി​ധം ശ​ബ്​​ദ മാ​ധു​ര്യം​കൊ​ണ്ട് റി​യാ​ദി​ലെ സം​ഗീ​ത പ്രേ​മി​ക​ളു​ടെ പ്രി​യ​പ്പെ​ട്ട ‘ഇ​ശ​ലാ​ണ്’ ഈ ​കൊ​ച്ചു​മി​ടു​ക്കി. സം​ഗീ​ത​ത്തി​ൽ മാ​ത്ര​മ​ല്ല ചി​ത്ര​ര​ച​ന​യി​ലും ത​​ന്റെ ക​ഴി​വ് തെ​ളി​യി​ച്ചി​ട്ടു​ണ്ട് ഈ ​ക​ലാ​കാ​രി.

വ​ള​രെ ചെ​റു​പ്രാ​യം തൊ​ട്ടേ പാ​ട്ടി​നോ​ടും നൃ​ത്ത​ത്തോ​ടും പ്രി​യം കാ​ണി​ച്ചി​രു​ന്ന ഇ​ശ​ലി​​ന്റെ മാ​താ​വാ​ണ് ആ​ലാ​പ​ന ക​ഴി​വ് തി​രി​ച്ച​റി​ഞ്ഞ​ത്. കൂ​ടാ​തെ പി​താ​വി​​ന്റെ പി​ന്തു​ണ​യും വ​ള​ർ​ന്നു​വ​രു​ന്ന കൊ​ച്ചു​ഗാ​യി​ക​ക്ക് വ​ലി​യ പ്രോ​ത്സാ​ഹ​ന​മാ​ണ് ന​ൽ​കു​ന്ന​ത്.

ക​ഴി​ഞ്ഞ​വ​ർ​ഷ​ത്തെ സൗ​ദി ദേ​ശീ​യ ദി​ന​ത്തി​ൽ പു​റ​ത്തി​റ​ങ്ങി​യ മ്യൂ​സി​ക് ആ​ൽ​ബ​ത്തി​ൽ പാ​ടി അ​ഭി​ന​യി​ക്കു​ക​യും റി​യാ​ദി​ലെ മാ​പ്പി​ള​പ്പാ​ട്ട് റി​യാ​ലി​റ്റി ഷോ​യി​ൽ റ​ണ്ണ​ർ അ​പ്പ് ആ​വു​ക​യും ചെ​യ്ത ഇ​ശ​ൽ ഗ​ൾ​ഫ് മാ​ധ്യ​മം സി​ങ്​ ആ​ൻ​ഡ്​ വി​ന്നി​ലും ഫ്ല​വേ​ഴ്‌​സ് ടോ​പ് സിം​ഗ​ർ ഓ​ഡി​ഷ​നി​ലും ത​​ന്റെ ക​ഴി​വ് തെ​ളി​യി​ച്ചി​ട്ടു​ണ്ട്.

പാ​ല​ക്കാ​ട് ജി​ല്ല പ്ര​വാ​സി അ​സോ​സി​യേ​ഷ​ൻ, റി​യാ​ദ് ടാ​ക്കീ​സ്, വേ​ൾ​ഡ് മ​ല​യാ​ളി ഫെ​ഡ​റേ​ഷ​ൻ, ക​സ​വ് ക​ലാ​വേ​ദി, ഉ​ണ​ർ​വ്, അ​റേ​ബ്യ​ൻ ബീ​റ്റ് ബോ​ക്സ് തു​ട​ങ്ങി റി​യാ​ദി​ലെ ചെ​റു​തും വ​ലു​തു​മാ​യ ക​ലാ-​സാം​സ്കാ​രി​ക, സാ​മൂ​ഹി​ക ജീ​വ​കാ​രു​ണ്യ സം​ഘ​ട​ന​ക​ളു​ടെ വേ​ദി​ക​ളി​ൽ ഗാ​യി​ക​യാ​യ ത​​ന്റെ ഉ​മ്മ​യോ​ടൊ​പ്പ​വും റി​യാ​ദി​ലെ മു​തി​ർ​ന്ന ഗാ​യ​ക​ർ​ക്കു​മൊ​പ്പ​വും പാ​ടി സം​ഗീ​താ​സ്വാ​ദ​ക​രു​ടെ കൈ​യടി​ക്ക് പാ​ത്ര​മാ​യി​ട്ടു​ണ്ട് ഈ ​കു​ഞ്ഞു​ഗാ​യി​ക.

സം​ഗീ​തം ശാ​സ്ത്രീ​യ​മാ​യി അ​ഭ്യ​സി​ച്ചി​ട്ടി​ല്ലെ​ങ്കി​ലും എ​ല്ലാ​ത്ത​രം പാ​ട്ടു​ക​ളും ഒ​രു​പോ​ലെ കൈ​കാ​ര്യം ചെ​യ്യു​ന്ന ഇ​ശ​ൽ മ​ല​യാ​ളം, ത​മി​ഴ്, ഹി​ന്ദി പാ​ട്ടു​ക​ളെ​ല്ലാം ത​​ന്റെ മാ​താ​പി​താ​ക്ക​ളി​ലൂ​ടെ പ​ഠി​ക്കു​ക​യും വെ​സ്റ്റേ​ൺ പാ​ട്ടു​ക​ൾ സ്വ​ന്ത​മാ​യി ക​ണ്ടെ​ത്തി കേ​ട്ടു​പ​ഠി​ക്കു​ക​യും ചെ​യ്തു​കൊ​ണ്ടാ​ണ് ത​ന്റെ ശ്രു​തി​മ​ധു​ര​മാ​യ ശ​ബ്​​ദാ​ലാ​പ​ന മി​ക​വോ​ടെ വേ​ദി​ക​ളി​ല​വ​ത​രി​പ്പി​ച്ച് കൈ​യ​ടി നേ​ടു​ന്ന​ത്.

റി​യാ​ദി​ലെ അ​ൽ ആ​ലി​യ ഇ​ന്റ​ർ​നാ​ഷ​ന​ൽ സ്കൂ​ൾ ര​ണ്ടാം ത​ര​ത്തി​ൽ പ​ഠി​ക്കു​ന്ന ഇ​ശ​ൽ ആ​ഷി​ഫി​ന് പ​ഠ​ന​ത്തോ​ടൊ​പ്പം സം​ഗീ​ത​വും കൂ​ടി കൊ​ണ്ടു​പോ​കാ​നാ​ണ് ആ​ഗ്ര​ഹം.

പാ​ല​ക്കാ​ട് ജി​ല്ല​യി​ലെ ആ​ല​ത്തൂ​ർ സ്വ​ദേ​ശി​യും റി​യാ​ദി​ലെ സ​ഫാ​രി ക​മ്പ​നി​യി​ലെ ഐ.​ടി സൂ​പ്പ​ർ​വൈ​സ​റു​മാ​യ ആ​ഷി​ഫി​​ന്റെ​യും അ​ൽ ആ​ലി​യ ഇ​ന്റ​ർ​നാ​ഷ​ന​ൽ സ്കൂ​ൾ അ​ധ്യാ​പി​ക നി​ഷാ​ന​യു​ടെ​യും ഏ​ക മ​ക​ളാ​ണ് ഇ​ശ​ൽ.