യാമ്പു: തനിമ യാംബു സോൺ മദീനയുടെ ചരിത്രഭൂമിയിലേക്ക് ഏകദിന ചരിത്ര പഠനയാത്ര സംഘടിപ്പിച്ചു. മദീനയിലെ ചരിത്ര പ്രദേശങ്ങളായ ഉഹ്ദ് പോരാളികളുടെ ഖബറിടം, ഉഹ്ദ് മല, ബിഅ്ർ ഉസ്മാന്, ബിഅ്ർ ഗര്സ്, മസ്ജിദ് ഖിബ് ലതൈന്, ഖസ്ര് ഉര്വത് ബ്നു സുബൈര്, ഹിജാസ് റെയിൽവേ സ്റ്റേഷന്, ഖസ്ര് കഅ്ബ് ബ്നു അഷ്റഫ്, സല്മാനുല് ഫാരിസിയുടെ ഇത്തപ്പനത്തോട്ടം, ജുറൂഫ് താഴ് വര, മദീനയിലെ ഏറ്റവും പൗരാണികമായ പള്ളിനിൽക്കുന്ന തോട്ടം, മുഹമ്മദ് നബിയുടെ കൊച്ചുമകൾ ഫാത്തിമത്തുസ്സുഗ്റയുടെ വീട്, മസ്ജിദ് ഖുബാ തുടങ്ങിയ പ്രവാചക നഗരിയിലെ ചരിത്ര സ്ഥലങ്ങൾ സംഘം സന്ദർശിച്ചു.
പണ്ഡിതനും എഴുത്തുകാരനുമായ ജഅ്ഫർ എളമ്പിലാക്കോട് ചരിത്ര സ്ഥലങ്ങൾ പരിചയപ്പെടുത്തി. തനിമ യാംബു, മദീന സോണൽ പ്രസിഡന്റ് ടി. അനീസുദ്ദീൻ നേതൃത്വം നൽകി. ഷൗക്കത്ത് എടക്കര ചീഫ് കോഓഡിനേറ്ററായിരുന്നു. പ്രോഗ്രാം കൺവീനർ നൗഷാദ് വി മൂസ, അസിസ്റ്റന്റ് കൺവീനർമാരായ ഇൽയാസ് വേങ്ങൂർ, സുഹൈൽ ലല്ലു, തനിമ യാംബു സോണൽ സെക്രട്ടറി അബ്ബാസ് എടക്കര, സഫീൽ കടന്നമണ്ണ, സാജിദ് വേങ്ങൂർ, സലാഹുദ്ദീൻ കരിങ്ങനാട്, സഹൽ മുനീർ എന്നിവർ യാത്രക്ക് നേതൃത്വം നൽകി. വിനോദവും വിജ്ഞാനവും സമന്വയിപ്പിച്ച വിവിധ പരിപാടികൾ പഠന യാത്രയുടെ ഭാഗമായി നടന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.