സിഫ് ഫുട്ബാൾ: എ.സി.സി  - സബീൻ എഫ്.സി ഫൈനൽ

ജിദ്ദ: സിഫ് ടൂർണമ​​െൻറ്​ ഫൈനൽ ഘട്ടത്തിലേക്ക്. എ ഡിവിഷൻ സെമിയിൽ എ.സി.സി ബി ഒന്നിനെതിരെ മൂന്നു ഗോളുകൾക്ക് ജിദ്ദ ഫ്രണ്ട്സിനെയും സബീൻ എഫ്.സി അതേ സ്കോറിന് ബ്ലൂ സ്​റ്റാർ ബിയെയും തോൽപ്പിച്ച് കലാശക്കളിക്ക് അർഹത നേടി. ഡി ഡിവിഷൻ ഫൈനലിൽ സ്പോർട്ടിങ് യുണൈറ്റഡ് സോക്കർ ഫ്രീക്‌സിനെ നേരിടും.

തുടക്കം മുതൽ ആക്രമിച്ചു കളിച്ച  എ.സി.സിക്കായിരുന്നു കളിയിൽ വ്യക്തമായ മുൻതൂക്കം. 20ാം മിനിറ്റിൽ 30 വാര അകലെ നിന്നുള്ള എ.സി.സിയുടെ ജസീമി​​െൻറ ഫ്രീകിക്ക് ഫ്രണ്ട്സ് കീപ്പർ ഫവാസ് തട്ടിയിട്ടത് സന്തോഷ് ട്രോഫി താരമായ ഷാഹിദ് നെല്ലിപ്പറമ്പൻ വലയിലെത്തിച്ചു.  പിന്നാലെ ഇനാസി​​​െൻറ ഒരു ഉറച്ച ഷോട്ട്​ എ.സി.സി  കീപ്പർ സലാം അത്​ഭുതകരമായി രക്ഷപ്പെടുത്തി. പെനാൽറ്റി ബോക്സിന്​ വലതു ഭാഗത്തു നിന്ന് ഉതിർത്ത ശക്തമായ ഗ്രൗണ്ടറിലൂടെ ഷാഹിദ് രണ്ടാം ഗോൾ നേടി. വൈകാതെ പെനാൽറ്റിയിലൂടെ ഇനാസ് ഫ്രണ്ട്സി​​​െൻറ ഗോൾ നേടി 2 ^ -1 . തുടർന്ന് ബോക്സിന് പുറത്തു വച്ചെടുത്ത ഷോട്ട് നഷ്​ടപ്പെടുത്തിയെങ്കിലും ഷാഹിദ് അടുത്ത മിനിറ്റിൽ സ്‌കോർ ചെയ്ത ഹാട്രിക് പൂർത്തിയാക്കി. നിയാസി​​​െൻറ മനോഹരമായ ക്രോസ് ഹെഡ് ചെയ്തിട്ടപ്പോൾ കീപ്പർക്ക്​ നോക്കി നിക്കാൻ കഴിഞ്ഞുള്ളു 3^-1. ഷാഹിദ് നെല്ലേപറമ്പനാണ് മാൻ ഓഫ് ദി മാച്ച്.

ബ്ലൂ സ്​റ്റാറിനെതിരെ രണ്ടാം മിനുട്ടിൽ തന്നെ സബീൻ എഫ്.സി ഗോൾ നേടി. മിഡ്ഫീൽഡർ മുനീറി​​​െൻറ ക്രോസ് സിറാജ് ഹെഡ് ചെയ്തിട്ടു.  അസ്​ലമി​​െൻറ കോർണർ ഹെഡ് ചെയ്തിട്ട് തൗഫീഖ് സബി​​​െൻറ രണ്ടാം ഗോൾ നേടി. അടുത്ത മിനുട്ടിൽ അഫ്‌സലി​​​െൻറ ബുള്ളറ്റ് ഷോട്ട് കീപ്പർക്ക്​ ഒരവസരവും നൽകിയില്ല 3^ -0. പരുക്കൻ അടവുകളിലേക്കു മത്സരം മാറിയപ്പോൾ ബ്ലൂ സ്​റ്റാറി​​​െൻറ സിറാജ്, മുസ്തഫ എന്നിവർക്ക് മാർച്ചിങ് ഓർഡർ ലഭിച്ചു. ഒമ്പതുപേരുമായി ബാക്കി സമയം കളിച്ച ബ്ലൂ സ്​റ്റാർ സുബൈറിലൂടെ ആശ്വാസ ഗോൾ നേടി. 3^1. സബീൻ എഫ്.സിയുടെ സിറാജുദ്ദീനാണ് മാൻ ഓഫ് ദി മാച്ച്.
ഡി ഡിവിഷനിൽ സ്പോർട്ടിങ് യുണൈറ്റഡ് എ  അവരുടെ ബി ടീമിനെ 3^0 നു തോൽപ്പിച്ച് ഫൈനൽ ഉറപ്പാക്കി. സമീർ റോഷൻ രണ്ടും ഹായ്യിം മുഹമ്മദ് താഹ  ഒന്നും ഗോളുകൾ നേടി. ഫാദി അഷ്റഫാണ് കളിയിലെ കേമൻ.രണ്ടാം മത്സരത്തിൽ സോക്കർ ഫ്രീക്സ് ജെ.എസ്.സിയെ തോൽപ്പിച്ച് ഫൈനലിൽ ഇടം നേടി. സോക്കർ ഫ്രീക്‌സി​​​െൻറ കീപ്പർ മുഹമ്മദ് ആഫിസാണ് മാൻ ഓഫ് ദി മാച്ച്.