റിയാദ്: കർഫ്യു സമയത്ത് റോഡിൽ ചുറ്റിക്കറങ്ങുകയും പൊലീസുകാരെ പരിഹസിക്കുകയും ച െയ്തവരെ പിടികൂടിയതായി റിയാദ് മേഖല പൊലീസ് വക്താവ് കേണൽ ശാകിർ ബിൻ സുലൈമാൻ അൽതുവൈജരി പറഞ്ഞു. രണ്ട് സ്വദേശികളും ഒരു അറബ് പൗരനായ സന്ദർശകനുമാണ് പിടിയിലായത്.
ഇവർ കർഫ്യു സമയത്ത് പുറത്തിറങ്ങി കറങ്ങുന്നതും റിയാദിലെ ഒരു റോഡിൽ ഡ്യൂട്ടിയിലുണ്ടായിരുന്ന പൊലീസുകാരെ പരിഹസിക്കുന്നതും സുരക്ഷ സംവിധാനങ്ങൾ കാമറകളിൽ പകർത്തുന്നതുമായ വിഡിയോ ചിത്രീകരിച്ച് സമൂഹമാധ്യമങ്ങളിൽ പ്രചരിപ്പിച്ചിരുന്നു. ഇത് പ്രചരിച്ച ഉടനെ കുറ്റവാളികളെ തിരിച്ചറിയുകയും പിടികൂടുകയുമായിരുന്നു. എല്ലാവരും 30 വയസ്സുള്ളവരാണ്. ഇവർക്കെതിരെ നിയമാനുസൃത നടപടികൾ സ്വീകരിച്ചുവരുകയാണെന്നും വക്താവ് പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.