ജിദ്ദ: ലോകത്തിലെ ഏറ്റവും വലിയ ഹോട്ടൽ മക്കയിൽ ഉദ്ഘാടനത്തിനൊരുങ്ങുന്നു. ഹറമിന ടുത്ത് 4200 മുറികളോട് കൂടിയ വൻകിട ഹോട്ടൽ അടുത്ത വർഷം ഉദ്ഘാടനം ചെയ്യാനാണ് പദ്ധതി. സ്വദേശികളും വിദേശികളുമായി നിരവധി പേർക്ക് തൊഴിലവസരം സൃഷ്ടിക്കുന്നതാണ് പദ്ധതി. വോക്കോ മക്ക എന്ന പേരിട്ട ഹോട്ടൽ ലോകത്തെ പ്രമുഖ ഹോട്ടൽ നടത്തിപ്പുകാരായ ഇൻറർ കോണ്ടിനെൻറൽ ഹോട്ടൽ ഗ്രൂപ്പിന് കീഴിലായിരിക്കും.
ഇതിനായി പ്രമുഖ റിയൽ എസ്റ്റേറ്റ് കമ്പനിയായ മആദ് ഇൻറർനാഷനലുമായി ഇൻറർ കോണ്ടിനെൻറൽ ഗ്രൂപ് കരാർ ഒപ്പിടുന്നതടക്കമുള്ള നടപടികൾ പൂർത്തിയായിട്ടുണ്ട്. റൂമുകൾക്ക് പുറമെ നിരവധി റസ്റ്റാറൻറുകൾ, ലോഞ്ചുകൾ, വിരുന്നു ഹാളുകൾ, പ്രാർഥന സ്ഥലങ്ങൾ എന്നിവ ഉൾക്കൊള്ളുന്നതാണ് പദ്ധതി. വിഷൻ 2030െൻറ ഭാഗമായി ഹജ്ജ്, ഉംറ തീർഥാടകരുടെ എണ്ണത്തിലുണ്ടാകുന്ന വർധനവ് കണക്കിലെടുത്താണ് ഇത്രയും വലിയ ഹോട്ടലൊരുക്കുന്നതെന്ന് ഇൻറർ കോണ്ടിനെൻറൽ ഗ്രൂപ് അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.