ഖസീം: വിദേശി തൊഴിലാളികൾ സഞ്ചരിച്ച ബസ് മറിഞ്ഞ് എട്ട് മരണം. 10 പേർക്ക് പരിക്കേറ്റിട്ടുണ്ട്. റിയാദ് പ്രവിശ്യയിൽ ഖസീം ഭാഗത്തേക്ക് പോകുന്ന ഉഷൈഖർ റോഡിലാണ് അപകടം. മരിച്ചവരും പരിക്കേറ്റവരും ഏത് രാജ്യക്കാരാണെന്ന് വ്യക്തമായിട്ടില്ല. അപകട വിവരമറിഞ്ഞ ഉടനെ ഏഴ് യൂനിറ്റ് ആംബുലൻസുകൾ സ്ഥലത്തേക്ക് തിരിച്ചിരുന്നതായി റിയാദ് മേഖല റെഡ്ക്രസൻറ് വക്താവ് അബ്ദുല്ല അൽമുറൈബസ് പറഞ്ഞു.
എട്ട് പേർക്ക് അപകടത്തിൽ മരിച്ചിട്ടുണ്ട്. മൂന്ന് പേരുടെ നില ഗുരുതരമാണ്. നാല് പേരുടേത് ഗുരുതരമല്ല. മൂന്ന് പേർക്ക് നിസാര പരിക്കാണേറ്റതെന്നും മുഴുവനാളുകളെയും പ്രാഥമിക ശുശ്രൂഷക്ക് ശേഷം ശഖ്റ ആശുപത്രിയിൽ പ്രവേശിപ്പിച്ചിരിക്കുകയാണെന്നും റെഡ്ക്രസൻറ് വക്താവ് പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.