റിയാദ്: ഈദുൽ ഫിത്ർ ആഘോഷങ്ങളുടെ ഭാഗമായി സന്ദർശകർക്കായി വിപുലമായ പരിപാടികളുമായി സൗദി നാഷനൽ മ്യൂസിയം ഒരുങ്ങുന്നു. കുടുംബങ്ങൾക്കും സുഹൃത്തുക്കൾക്കും ഒത്തുചേരാനും ആഘോഷങ്ങളിൽ പങ്കുചേരാനും അവസരമൊരുക്കുന്ന പ്രത്യേക ഈദ് പ്രോഗ്രാമാണ് മ്യൂസിയം അധികൃതർ പ്രഖ്യാപിച്ചിരിക്കുന്നത്.
എല്ലാ പ്രായക്കാർക്കും ആസ്വദിക്കാവുന്ന രീതിയിലുള്ള തത്സമയ കലാപ്രകടനങ്ങൾ, സന്ദർശകർക്ക് നേരിട്ട് പങ്കുചേരാവുന്ന വിവിധ വിനോദ പരിപാടികൾ എന്നിവ ഇതിെൻറ ഭാഗമായി നടക്കും. കൂടാതെ, ആഘോഷത്തിെൻറ മനോഹരമായ നിമിഷങ്ങൾ പകർത്തുന്നതിനായി പ്രത്യേക ഫോട്ടോ കോർണറുകളും മ്യൂസിയത്തിൽ സജ്ജീകരിച്ചിട്ടുണ്ട്.
ശനിയാഴ്ച മുതൽ തിങ്കളാഴ്ച വരെയാണ് ഈ പ്രത്യേക ആഘോഷങ്ങൾ നടക്കുക. ഉച്ചയ്ക്ക് രണ്ട് മുതൽ രാത്രി 10 വരെ സന്ദർശകർക്കായി മ്യൂസിയം തുറന്നിരിക്കും. സൗദി അറേബ്യയുടെ സാംസ്കാരിക പൈതൃകം അടുത്തറിയുന്നതിനൊപ്പം ഈദ് ആഘോഷങ്ങൾ അവിസ്മരണീയമാക്കാൻ താല്പര്യമുള്ള എല്ലാ സന്ദർശകരെയും മ്യൂസിയത്തിലേക്ക് സ്വാഗതം ചെയ്യുന്നതായി അധികൃതർ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.