രിസാല സ്റ്റഡി സർക്കിൾ ജിദ്ദ ശറഫിയ സെക്ടർ സംഘടിപ്പിച്ച ‘മൈൻഡ് വെൽ മീറ്റ്’ പരിപാടിയിൽനിന്ന്
ജിദ്ദ: രിസാല സ്റ്റഡി സർക്കിൾ (ആർ.എസ്.സി) ഗ്ലോബൽ തലത്തിൽ നടത്തിവരുന്ന മൈൻഡ് യുവർ മൈൻഡ് എന്ന കാമ്പയിന്റെ ഭാഗമായി ശറഫിയ സെക്ടർ ‘മൈൻഡ് വെൽ മീറ്റ്’ സംഘടിപ്പിച്ചു. ‘പ്രവാസി യുവാക്കളുടെ മാനസികാരോഗ്യവും ക്ഷേമവും’ എന്ന വിഷയത്തെക്കുറിച്ച് സൈക്യാട്രിസ്റ്റ് ഡോ. ഫ്രാൻസിസ് സേവ്യർ സംസാരിച്ചു.
കുടുംബങ്ങളിൽ മാനസിക ആരോഗ്യ പരിപാലനത്തിന് പ്രത്യേകം ശ്രദ്ധ നൽകണമെന്ന് ശിഹാബ് വണ്ടൂർ അഭിപ്രായപ്പെട്ടു. ‘മാനസിക വെല്ലുവിളികൾക്ക് പ്രതിവിധികൾ ഇസ്ലാമിക ജീവിതശൈലിയിലൂടെ’ എന്ന വിഷയം രിസാല സ്റ്റഡി സർക്കിൾ മുൻ സൗദി വെസ്റ്റ് നാഷനൽ സെക്രട്ടറി ജംഷീർ വയനാടും വിഷയാവതരണം സോൺ വിസ്ഡം സെക്രട്ടറി സൽമാനുൽ ഫാരിസിയും നടത്തി. വിദ്യാർഥികളെ പ്രതിനിധീകരിച്ച് തൗസീഫ് അബ്ദുല്ല സ്റ്റുഡൻറ്സ് ടോക്കിൽ ഇടപ്പെട്ട് സംസാരിച്ചു. ആദിൽ സഖാഫി, ഹാഷിം, ഷഹീർ തുടങ്ങിയവർ സംബന്ധിച്ചു. ആർ.എസ്.സി ശറഫിയ സെക്ടർ ജനറൽ സെക്രട്ടറി ഇർഫാദ് വിളത്തൂർ സ്വാഗതവും മഷ്ഹൂർ ഫാളിലി നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.