സഹായം ചോദിച്ച ആ യുവതി പഞ്ചാബ്​ സ്വദേശിനി

റിയാദ്​: ദവാദ്​മിയിൽ തൊഴിൽ പീഡനത്തിനിരയായ ഇന്ത്യൻ ഹൗസ്​മെയ്​ഡ്​ പഞ്ചാബി സ്വദേശിനിയായ റീന റാണിയാണെന്ന്​ വ്യക്​തമായി. ഇവർ റിക്രൂട്ടിങ്​ നിയമങ്ങൾ ലംഘിച്ചാണ്​ സൗദിയിലെത്തിയതെന്ന്​ ഇന്ത്യൻഎംബസി അധികൃതർ അറിയിച്ചു. ഗാർഹിക തൊഴിലാളികളെ റിക്രൂട്ട്​ ചെയ്യാനുള്ള ഇന്ത്യൻ നിബന്ധനകളൊന്നുംപാലിച്ചി​ട്ടില്ലെന്ന്​​ എംബസി കമ്യൂണിറ്റി വെൽവെഫയർ കൗൺസലർ അനിൽ നൊട്ട്യാൽ ‘ഗൾഫ്​ മാധ്യമ’ത്തോട്​ പറഞ്ഞു. 

10 മാസം മുമ്പാണ്​ റീന റാണി സൗദിയിലെത്തിയത്​. നിയമങ്ങൾ മറികടക്കാനുള്ള കൃത്രിമ മാർഗങ്ങൾ അവലംബിച്ച്​​ ദുബൈ വഴിയാണ്​ റിയാദിലെത്തിയത്​. ഇമൈഗ്രേറ്റ്​ സിസ്​റ്റത്തിൽ രജിസ്​റ്റർ ചെയ്യുകയോ അതുവഴി​ എംബസിയുടെ അംഗീകാരം വാങ്ങുകയോ ചെയ്​തിട്ടില്ല. 2,000 ഡോളറി​​െൻറ ബാങ്ക്​ ഗാരൻറി നൽകിയിട്ടില്ല. ഇ​െതല്ലാം ചെയ്​താൽ മാത്രം ലഭിക്കുന്ന പ്രൊട്ടക്​ടർ ഒാഫ്​ എമിഗ്രൻറ്​സി​​െൻറ ക്ലിയറൻസുമുണ്ടായിട്ടില്ല. ഫലത്തിൽ അനധികൃത റിക്രൂട്ട്​മ​െൻറാണ്​
നടന്നിരിക്കുന്നത്​. 

എങ്കിൽ പോലും റീന റാണിയെ രക്ഷപ്പെടുത്താൻ സാധ്യമായതെല്ലാം ചെയ്​തുവരികയാണെന്ന്​ അനിൽനൊട്ട്യാൽ പറഞ്ഞു. സ്​പോൺസറുമായി ബുധനാഴ്​ച രാവിലെ സംസാരിച്ചു. 900 റിയാലാണ്​ ശമ്പളമെന്നും അത്​ എല്ലാമാസവും കൃത്യമായി കൊടുക്കുന്നുണ്ടെന്നുമാണ്​ സ്​പോൺസർ പറഞ്ഞത്​. തുടരാൻ താൽപര്യമില്ലെങ്കിൽ തിരിച്ചയക്കാൻഒരുക്കമാണെന്നും അയാൾ അറിയിച്ചിട്ടുണ്ട്​. അതേസമയം വിസക്കും റിക്രൂട്ട്​മ​െൻറിനും മറ്റും ചെലവായ 15,000 റിയാൽ
നൽകിയാലേ എക്​സിറ്റ്​ നൽകൂ എന്ന നിലപാടിലാണ്​​ സ്​പോൺസർ. 

റീനയുമായി എംബസി അധികൃതർക്ക്​ നേരിട്ട്​ സംസാരിക്കാൻ കഴിഞ്ഞിട്ടില്ല. അവരുടെ ഫോൺ നമ്പർ ലഭ്യമല്ല. അവരോട്​ നേരിട്ട്​ സംസാരിക്കണമെന്ന്​ ആവശ്യപ്പെട്ടപ്പോൾ സ്​പോൺസർ അത്​ സമ്മതിക്കുകയും അടുത്ത ദിവസം തന്നെ അതിന്​ സൗകര്യമൊരുക്കാമെന്ന്​ അറിയിക്കുകയും ചെയ്​തിട്ടുണ്ട്​. പ്രശ്​നപരിഹാരത്തിനുള്ള ശ്രമം ഉൗർജ്ജിതമായി തുടരുകയാണ്​. 

റീനയുടെ പഞ്ചാബിലുള്ള മകനുമായി സംസാരിച്ചെന്നും ആശ്വസിപ്പിച്ചെന്നും അനിൽ നൊട്ട്യാൽ കൂട്ടിച്ചേർത്തു. റിയാദിൽ നിന്ന്​ 230 കിലോമീറ്ററകലെ ദവാദ്​മിയിലെ സ്വദേശി വീട്ടിൽ ബന്ധിയാണെന്നും രക്ഷിക്കണമെന്നും കരഞ്ഞുപറയുന്ന​ റീനയുടെ വീഡിയോ കഴിഞ്ഞ ദിവസം സോഷ്യൽ മീഡിയയിൽ വൈറലാവുകയും ഇന്ത്യൻ മാധ്യമങ്ങളിൽ വാർത്തയാവുകയും ചെയ്​തിരുന്നു. 

തുടർന്ന്​ വിദേശകാര്യ മന്ത്രി സുഷമ സ്വരാജ്​ റിയാദിലെ അംബാസഡർ അഹമ്മദ്​ ജാവേദിനോട്​ വിഷയത്തിലിടപെടാൻ ആവശ്യപ്പെട്ടു. തുടർന്ന്​ നടത്തിയ അന്വേഷണത്തിലാണ്​ അനധികൃത റിക്രൂട്ട്​മ​െൻറാണെന്ന്​ മനസിലായത്​. എമിഗ്രേഷൻ രേഖകൾ പ്രകാരം സൗദിയിലേക്കുള്ള ഗാർഹിക തൊഴിലാളിയായല്ല റീന റാണി ഇന്ത്യയിൽനിന്ന്​ പുറപ്പെട്ടത്​. ബാങ്ക്​ ഗാരൻറി നൽകലും ഇമൈഗ്രേറ്റ്​ സിസ്​റ്റത്തിൽ രജിസ്​റ്റർ ചെയ്യലും എമിഗ്രേഷൻ ക്ലിയറൻസ്​ നേടലുമെല്ലാം സ്​പോൺസറും റിക്രൂട്ടിങ്​ ഏജൻറും പാലിക്കേണ്ട നിബന്ധനകളാണ്​. 

ഇൗ കടമ്പകൾ മറികടക്കാൻ റിക്രൂട്ടിങ്​ രംഗത്ത്​ നടക്കുന്ന പുതിയ തട്ടിപ്പാണ്​ സന്ദർശക വിസയിൽ ദുബൈയിൽ കൊണ്ടുവന്ന ശേഷം അവിടെ നിന്ന്​ സൗദിയിലേക്ക്​ കടത്തൽ. ഇതിനായി ഇന്ത്യയിലെ സൗദി കോൺസുലേറ്റിൽ നിന്ന്​ പാസ്​പോർട്ടിൽ തൊഴിൽ വിസ സ്​റ്റാമ്പ്​
ചെയ്യും. 

പിന്നീടത്​ ഇളക്കി മാറ്റി, പകരം സന്ദർശക വിസയിൽ ദുബൈയിൽ കൊണ്ടുവരും. നേരത്തെ ഇളക്കിമാറ്റിയസൗദി വിസ പേജ്​ അവിടെ വെച്ച്​ പാസ്​പോർട്ടിൽ തിരികെ ഒട്ടിച്ചുചേർക്കുകയും​ സൗദിയിലേക്ക്​ കടത്തുകയും ചെയ്യും.ഇമൈ​േഗ്രറ്റ്​ നിബന്ധനകൾ വന്ന ശേഷം റിക്രൂട്ട്​മ​െൻറ തട്ടിപ്പിനുപയോഗിക്കുന്ന പുതിയ രീതി ഇതാണത്രെ.