ഒ.ഐ.സി.സി മക്ക കമ്മിറ്റി നൽകിയ സ്വീകരണത്തിൽ അഡ്വ. ബി.ആർ.എം ഷഫീർ സംസാരിക്കുന്നു
മക്ക: ബ്രിട്ടീഷ് സാമ്രാജ്യത്തോട് പൊരുതി രാജ്യത്തിനു സ്വാതന്ത്ര്യം നേടിത്തന്നുകൊണ്ട് കോൺഗ്രസ് ലോകത്തെ ഏറ്റവും വലിയ മതേതരരാജ്യം കെട്ടിപ്പടുത്തുവെങ്കിൽ ആ മതേതരരാജ്യം വീണ്ടെടുക്കാൻ ഇപ്പോൾ കോൺഗ്രസ് പട പൊരുതുകയാണെന്ന് കെ.പി.സി.സി സെക്രട്ടറി അഡ്വ. ബി.ആർ.എം ഷഫീർ പറഞ്ഞു.
ഒ.ഐ.സി.സി മക്ക കമ്മിറ്റി നൽകിയ സ്വീകരണത്തിൽ മുഖ്യപ്രഭാഷണം നടത്തുകയായിരുന്നു അദ്ദേഹം. മക്കയിലെത്തി ഉംറ നിർവഹിക്കാൻ കഴിഞ്ഞതിൽ തികഞ്ഞ സംതൃപ്തിയുണ്ടെന്നും അദ്ദേഹം പറഞ്ഞു. ഏഷ്യൻ പോളിക്ലിനിക് ഓഡിറ്റോറിയത്തിൽ നടന്ന പരിപാടി മക്ക യു.ഡി.എഫ് ചെയർമാൻ കുഞ്ഞുമോൻ കാക്കിയ ഉദ്ഘാടനം ചെയ്തു. ഷാനിയാസ് കുന്നിക്കോട് അധ്യക്ഷത വഹിച്ചു. മുജീബ് പൂക്കോട്ടൂർ (കെ.എം.സി.സി), നിസ നിസാം (ഒ.ഐ.സി.സി വനിത വിങ്), സാക്കിർ കൊടുവള്ളി, ബഷീർ മാമാങ്കര (എസ്.ഐ.ഐ.സി), ഷാനവാസ് കോട്ടയം (പ്രവാസി വെൽഫെയർ), മുസ്തഫ മലയിൽ (എം.എൻ.എഫ്), ഇഖ്ബാൽ ഗബ്ഗൽ (എം.ജി.ടി.) എന്നിവർ സംസാരിച്ചു. ഷാജി ചുനക്കര സ്വാഗതവും റഷീദ് ബിൻസാഗർ നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.