നവോദയ ജിദ്ദ ഖാലിദ് ബിൻ വലീദ് ഏരിയ കൺവെൻഷൻ ശ്രീകുമാർ മാവേലിക്കര ഉദ്ഘാടനം ചെയ്യുന്നു
ജിദ്ദ: നവോദയ കലാസാംസ്കാരിക വേദി ജിദ്ദ ഖാലിദ് ബിൻ വലിദ് ഏരിയ കൺവെൻഷൻ സംഘടിപ്പിച്ചു. കേന്ദ്ര കൺവെൻഷന്റെ ഭാഗമായാണിത്.
ഏഴിയക്ക് കീഴിലെ ഒമ്പതോളം യൂനിറ്റ് കൺവെൻഷനുകൾ പൂർത്തിയായ ശേഷമാണ് ഏരിയ കൺവെൻഷൻ സംഘടിപ്പിച്ചത്. കോടിയേരി ബാലകൃഷ്ണൻ നഗറിൽ നവോദയ ജനറൽ സെക്രട്ടറി ശ്രീകുമാർ മാവേലിക്കര ഉദ്ഘാടനം ചെയ്തു. ജിജോ അങ്കമാലി അധ്യക്ഷത വഹിച്ചു.
യൂസുഫ് മേലാറ്റൂർ രക്തസാക്ഷി പ്രമേയവും ജോഷി ജോസഫ് അനുശോചന പ്രമേയവും ഏരിയ രക്ഷാധികാരി അനസ് ബാവ ലഹരി വിരുദ്ധ പ്രതിജ്ഞയും ചൊല്ലിക്കൊടുത്തു.
ആക്ടിങ് സെക്രട്ടറി ടിറ്റോ മീരാൻ ഏരിയ പ്രവർത്തന റിപ്പോർട്ട് അവതരിപ്പിച്ചു. നവോദയ പ്രസിഡന്റ് കിസ്മത്ത് മമ്പാട്, കേന്ദ്ര ട്രഷറർ സി.എം. അബ്ദുറഹ്മാൻ, കേന്ദ്ര വനിതവേദി കൺവീനർ നിഷ നൗഫൽ, കേന്ദ്ര പഠനവേദി കൺവീനർ റഫീഖ് പത്തനാപുരം, ഏരിയ യുവജനവേദി കൺവീനർ വിവേക്, വനിത വേദി ജോയന്റ് കൺവീനർ അജീഷ സാന്റി എന്നിവർ സംസാരിച്ചു. ഏരിയ ജീവകാരുണ്യ കൺവീനർ അഷ്റഫ് ആലങ്ങാടൻ, വനിത വേദി അംഗം ടെൻസി സെബാസ്റ്റ്യൻ എന്നിവർ പ്രമേയങ്ങൾ അവതരിപ്പിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.