ജിദ്ദ കെ.എം.സി.സി സെൻട്രൽ കമ്മിറ്റി മലപ്പുറത്ത് സംഘടിപ്പിച്ച സ്നേഹസംഗമത്തിൽ കെ.പി.സി.സി പ്രസിഡൻറ് കെ. സുധാകരൻ എം.പി സംസാരിക്കുന്നു
ജിദ്ദ: ലോകരാജ്യങ്ങളിൽ വ്യാപിച്ചുകിടക്കുന്ന കെ.എം.സി.സി എന്ന സംഘടന പ്രവാസലോകത്തും കേരളക്കരയിലും നടത്തുന്ന ജീവകാരുണ്യ, ജനസേവന പ്രവർത്തനങ്ങളെ അത്ഭുതത്തോടെയും ആകാംക്ഷയോടെയും സന്തോഷത്തോടെയുമാണ് നോക്കിക്കാണാറുള്ളതെന്ന് കെ.പി.സി.സി പ്രസിഡൻറ് കെ. സുധാകരൻ എം.പി. ജിദ്ദ കെ.എം.സി.സി സെൻട്രൽ കമ്മിറ്റി മലപ്പുറത്ത് സംഘടിപ്പിച്ച സ്നേഹസംഗമത്തിെൻറ ഭാഗമായി കോവിഡ് കാലത്ത് നാട്ടിൽ കുടുങ്ങിയ പ്രവാസികളുടെ കുടുംബത്തിന് ജിദ്ദ കെ.എം.സി.സി നൽകുന്ന സ്നേഹ സമ്മാനത്തിെൻറ ഉദ്ഘാടനം നിർവഹിച്ച് സംസാരിക്കുകയായിരുന്നു അദ്ദേഹം.
സമൂഹത്തിലെ കഷ്ടപ്പെടുന്ന മുഴുവൻ ജനവിഭാഗങ്ങൾക്കും കൈത്താങ്ങ് നൽകുന്ന കെ.എം.സി.സി കേരളത്തിനുതന്നെ അഭിമാനമാണ്. അശരണരായ ധാരാളം ആളുകളെ സഹായിക്കാനായി താൻ തന്നെ പലതവണ കെ.എം.സി.സിക്കാർക്ക് കത്തെഴുതിയ കാര്യം അദ്ദേഹം അനുസ്മരിച്ചു. എന്ത് ആവശ്യപ്പെട്ടാലും ആത്മാർഥമായ സമീപനമാണ് കെ.എം.സി.സിക്കാർ കാണിക്കാറുള്ളതെന്നും അതിനുള്ള നന്ദിയും കടപ്പാടും രേഖപ്പെടുത്തുന്നതായും കെ. സുധാകരൻ എം.പി പറഞ്ഞു.
കേരളത്തിെൻറ വിവിധ ജില്ലകളിലേക്ക് സ്നേഹസമ്മാനവുമായി പുറപ്പെടുന്ന വാഹനങ്ങൾ അദ്ദേഹം ഫ്ലാഗ് ഓഫ് നിർവഹിച്ചു. പ്രവാസം അവസാനിപ്പിച്ച് നാട്ടിൽ വിശ്രമജീവിതം നയിക്കുന്ന 60 വയസ്സ് പൂർത്തിയായ മുൻ പ്രവാസികൾക്കായി ജിദ്ദ കെ.എം.സി.സി നടപ്പാക്കുന്ന പ്രതിമാസ പെൻഷൻ പദ്ധതി മുസ്ലിംലീഗ് ഉന്നതാധികാര സമിതി അംഗം പാണക്കാട് സാദിഖലി ശിഹാബ് തങ്ങൾ മുൻ പ്രവാസികളായ പാഴേരി കുഞ്ഞിമുഹമ്മദിനും മൂസ കൊട്ടപ്പുറത്തിനും നൽകി ഉദ്ഘാടനം ചെയ്തു.
പതിറ്റാണ്ടുകൾ പ്രവാസലോകത്ത് കഷ്ടപ്പെട്ട് ജോലി ചെയ്ത് നാട്ടിൽ തിരിച്ചെത്തുന്ന പ്രവാസികൾക്ക് പ്രതിമാസ പെൻഷൻ നൽകാൻ ഒരു സംഘടന തയാറാവുന്നുവെന്നത് ചരിത്രസംഭവമാണെന്നും ജിദ്ദ കെ.എം.സി.സിയെ മാതൃകയാക്കി ഇത്തരം പ്രവർത്തനങ്ങൾക്ക് മറ്റു കെ.എം.സി.സി കമ്മിറ്റികളും പ്രവാസി സംഘടനകളും മുന്നോട്ടുവരണമെന്നും അദ്ദേഹം പറഞ്ഞു. കേരളത്തിലെ വിവിധ സി.എച്ച് സെൻററുകൾക്കായി ഈവർഷം ജിദ്ദ കെ.എം.സി.സി നൽകുന്ന 47 ലക്ഷം രൂപ മുസ്ലിംലീഗ് ദേശീയ ജനറൽ സെക്രട്ടറി പി.കെ. കുഞ്ഞാലിക്കുട്ടി ജിദ്ദ കെ.എം.സി.സി ട്രഷറർ അൻവർ ചേരങ്കെയിൽനിന്ന് ഏറ്റുവാങ്ങി. സമൂഹത്തിലെ ദുർബല ജനവിഭാഗങ്ങളെ എന്നും ചേർത്തുപിടിക്കുന്ന സംഘടനാ സംസ്കാരമാണ് മുസ്ലിംലീഗിനും കെ.എം.സി.സിക്കുമുള്ളതെന്ന് അദ്ദേഹം പറഞ്ഞു.
തലപ്പാറ പുള്ളാട്ട് കൺവെൻഷൻ സെൻററിൽ നടന്ന സംഗമത്തിൽ ജിദ്ദ കെ.എം.സി.സി സീനിയർ വൈസ് പ്രസിഡൻറ് വി.പി. മുസ്തഫ അധ്യക്ഷത വഹിച്ചു. ജനറൽ സെക്രട്ടറി അബൂബക്കർ അരിമ്പ്ര സ്വാഗതം പറഞ്ഞു.
മുസ്ലിംലീഗ് സംസ്ഥന ജനറൽ സെക്രട്ടറി പി.എം.എ. സലാം, എം.എൽ.എമാരായ കെ.പി.എ മജീദ്, പ്രഫ. ആബിദ് ഹുസൈൻ തങ്ങൾ, പി. അബ്ദുൽ ഹമീദ്, കെ.പി.സി.സി ജനറൽ സെക്രട്ടറി ആലിപ്പറ്റ ജമീല, ഡി.സി.സി പ്രസിഡൻറ് അഡ്വ. വി.എസ്. ജോയ്, ചന്ദ്രിക മാനേജിങ് എഡിറ്റർ എം. ഉമ്മർ, മുസ്ലിംലീഗ് കോഴിക്കോട് ജില്ല പ്രസിഡൻറ് ഉമ്മർ പാണ്ടികശാല, സെക്രട്ടറി സി.കെ. റസാഖ് മാസ്റ്റർ, അബ്ദുറഹ്മാൻ കല്ലായി, എ.പി. ഇബ്രാഹീം മുഹമ്മദ്, ടി.പി.എം ബഷീർ, നിസാം മമ്പാട്, ലത്തീഫ് മുസ്ലിയാരങ്ങാടി, പി.എം.എ ജലീൽ, അബ്ദുള്ള പാലേരി, ഗഫൂർ പട്ടിക്കാട്, സി.കെ. ശാക്കിർ, എം.എം.കുട്ടി മൗലവി, പി.എച്ച്.എസ് തങ്ങൾ, സി.എച്ച്. മഹ്മൂദ് ഹാജി, ഒ.കെ.എം മൗലവി, നാസർ എടവനക്കാട്, കുഞ്ഞിമുഹമ്മദ് പട്ടാമ്പി, സി.കെ അബ്ദുറഹ്മാൻ, മജീദ് അരിമ്പ്ര, ഷൗക്കത്ത് ഒഴുകൂർ, മുഹമ്മദ് കാവുങ്ങൽ, ഹനീഫ മൂന്നിയൂർ, എൻ. മുഹമ്മദ്, രായീൻകുട്ടി നീറാട്, സി.സി. കരീം, ജലീൽ ഒഴുകൂർ, ആലികുട്ടി ഒളവട്ടൂർ, മാതാപ്പുഴ മുഹമ്മദ് കുട്ടി, ബഷീർ മൂന്നിയൂർ എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.