ജിദ്ദ: എലിസബത്ത് രാജ്ഞിയുടെ മരണത്തിൽ സൗദി ഭരണാധികാരി സൽമാൻ രാജാവും കിരീടാവകാശി അമീർ മുഹമ്മദ് ബിൻ സൽമാനും അനുശോചനം അറിയിച്ചു. ബ്രിട്ടന്റെയും വടക്കൻ അയർലൻഡിന്റെയും രാജ്ഞിയായിരുന്ന എലിസബത്ത് രാജ്ഞിയുടെ മരണത്തിൽ ബ്രിട്ടൻ രാജാവായ ചാൾസ് മൂന്നാമനാണ് സൽമാൻ രാജാവും കിരീടാവകാശിയും അനുശോചനം അറിയിച്ചത്.
എലിസബത്ത് രാജ്ഞിയുടെ മരണവാർത്ത വളരെ ദുഃഖത്തോടെയാണ് അറിയുന്നതെന്നും ചരിത്രത്തിൽ ഇടംനേടുന്ന നേതൃപാടവത്തിന്റെ ഉദാഹരണമായിരുന്നു രാജ്ഞിയെന്നും സൽമാൻ രാജാവ് അനുശോചന സന്ദേശത്തിൽ പറഞ്ഞു. രണ്ട് സുഹൃദ് രാജ്യങ്ങൾ തമ്മിലുള്ള സൗഹൃദത്തിന്റെയും സഹകരണത്തിന്റെറയും ബന്ധങ്ങൾ ശക്തിപ്പെടുത്തുന്നതിൽ എലിസബത്ത് രാജ്ഞിയുടെ ശ്രമങ്ങളെ അഭിനന്ദനത്തോടെ അനുസ്മരിക്കുന്നു. രാജകുടുംബത്തിനും ബ്രിട്ടനിലെയും വടക്കൻ അയർലൻഡിലെയും ആളുകൾക്കും അഗാധമായ അനുശോചനം അറിയിക്കുന്നുവെന്നും സൽമാൻ രാജാവ് അനുശോചന സന്ദേശത്തിൽ പറഞ്ഞു.
എലിസബത്ത് രാജ്ഞിയുടെ മരണവാർത്തയിൽ ദുഃഖിക്കുന്നുവെന്ന് കിരീടാവകാശി അനുശോചന സന്ദേശത്തിൽ പറഞ്ഞു. രാജ്യസേവനത്തിൽ ജീവൻ നൽകിയ മഹതിയാണ്. ജ്ഞാനത്തിന്റെയും സ്നേഹത്തിന്റെയും സമാധാനത്തിന്റെയും മാതൃകയായിരുന്നു. ലോകം അതിന്റെ യാത്രയിലുടനീളം എലിസബത്ത് രാജ്ഞി നടത്തിയ മഹത്തായ സ്വാധീനവും പ്രവർത്തനങ്ങളും ഓർക്കും. രാജകുടുംബത്തിനും ബ്രിട്ടനിലെയും വടക്കൻ അയർലൻഡിലെയും ജനങ്ങൾക്കും അഗാധമായ അനുശോചനം അറിയിക്കുന്നുവെന്നും കിരീടാവകാശി അനുശോചന സന്ദേശത്തിൽ പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.