ഗായകരായ ബാദുഷക്കും സൽമാനുൽ ഫാരിസിനും കേരള മാപ്പിളകലാ അക്കാദമി ജിദ്ദ ചാപ്റ്റർ സ്വീകരണം നൽകിയപ്പോൾ
ജിദ്ദ: മീഡിയവൺ പതിനാലാം രാവ് മാപ്പിളപ്പാട്ട് റിയാലിറ്റി ഷോ ഒന്നാം സീസൺ ജേതാവ് ബാദുഷ, രണ്ടാം സീസൺ സെമി ഫൈനലിസ്റ്റ് സൽമാനുൽ ഫാരിസ് എന്നിവർക്ക് കേരള മാപ്പിളകലാ അക്കാദമി ജിദ്ദ ചാപ്റ്റർ സ്വീകരണം നൽകി. ‘കിർവ്വ 2024’ എന്ന പേരിൽ സംഘടിപ്പിച്ച പരിപാടി മാധ്യമപ്രവർത്തകൻ മുസാഫിർ ഉദ്ഘാടനം ചെയ്തു.
പ്രസിഡൻറ് കെ.എൻ.എ. ലത്തീഫ് അധ്യക്ഷത വഹിച്ചു. വി.പി. മുസ്തഫ, അബ്ദുല്ല മുക്കണ്ണി എന്നിവർ സംസാരിച്ചു. അന്തരിച്ച ഗസൽ ഗായകൻ പങ്കജ് ഉധാസ് അനുസ്മരണ പരിപാടിയും ചടങ്ങിൽ നടന്നു. പങ്കജ് ഉധാസിന്റെ എക്കാലത്തെയും മികച്ച ഗസലുകൾ ജമാൽ പാഷ ആലപിച്ചു.
റഹീം കാക്കൂർ, ഫർഹാൻ, മുംതാസ് അബ്ദുൾറഹ്മാൻ എന്നിവരും ഗാനം ആലപിച്ചു. ബാദുഷക്കും സൽമാനുൽ ഫാരിസിനുമുള്ള ഉപഹാരങ്ങൾ കെ.എൻ.എ. ലത്തീഫ്, മുഷ്താഖ് മധുവായ് എന്നിവർ കൈമാറി. മുഷ്താഖ് മധുവായ് സ്വാഗതവും ഹസൻ കൊണ്ടോട്ടി നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.