റിയാദ് കേളിയുടെ ചികിത്സാസഹായം ഷജീർ മുഹമ്മദ് ബഷീറിന് കൈമാറുന്നു
റിയാദ്: കേളി കലാസാംസ്കാരിക വേദി റൗദ ഏരിയ ഗൊർനാഥ യൂനിറ്റ് അംഗമായിരുന്ന തിരുവനന്തപുരം കണിയാപുരം സ്വദേശി ഷജീർ മുഹമ്മദ് ബഷീറിന് ചികിത്സാ സഹായം കൈമാറി. എട്ട് വർഷമായി റിയാദിൽ ഡ്രൈവറായി ജോലി ചെയ്തിരുന്ന ഷജീർ അസുഖബാധിതനായതിനെ തുടർന്ന് തുടർ ചികിത്സാർഥം നാട്ടിലേക്ക് മടങ്ങുകയായിരുന്നു.
ചികിത്സക്കായി സഹപ്രവർത്തകരായ ഗൊർനാഥ യൂനിറ്റ് അംഗങ്ങളുടെ നേതൃത്വത്തിൽ റൗദ ഏരിയ അംഗങ്ങളും കേന്ദ്ര കമ്മിറ്റിയും സമാഹരിച്ച തുകയാണ് കൈമാറിയത്. കണിയാപുരത്തെ ഷജീറിന്റെ വസതിയിൽ ചേർന്ന ചടങ്ങിൽ രക്ഷാധികാരി അംഗമായിരുന്ന സതീഷ് കുമാർ അധ്യക്ഷത വഹിച്ചു.
മംഗലപുരം സി.പി.എം ഏരിയ സെക്രട്ടറി മധു മുല്ലശ്ശേരി ഫണ്ട് കൈമാറി. മംഗലപുരം ലോക്കൽ സെക്രട്ടറി കെ. സോമൻ, പ്രവാസിസംഘം തിരുവനന്തപുരം ജില്ല സെക്രട്ടറി ബി.എൽ. അനിൽകുമാർ എന്നിവർ സംസാരിച്ചു. അനിൽകുമാർ കേശവപുരം സ്വാഗതവും പ്രവാസിസംഘം മംഗലപുരം ഏരിയ പ്രസിഡൻറ് അഡോൾഫ് നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.