ജിദ്ദ ഹംദാനിയ കെ.എം.സി.സി കമ്മിറ്റിക്ക് കീഴിൽ നോർക്ക അംഗത്വ കാമ്പയിൻ അബൂബക്കർ അരിമ്പ്ര ഉദ്ഘാടനം ചെയ്യുന്നു
ജിദ്ദ: ഹംദാനിയ കെ.എം.സി.സി 'പ്രവാസിയും പെൻഷനും' എന്ന വിഷയത്തിൽ ബോധവത്കരണ ക്ലാസ് സംഘടിപ്പിച്ചു. പ്രവാസികള്ക്ക് നോർക്കയിൽനിന്നു ലഭിക്കുന്ന ആനുകൂല്യങ്ങളെക്കുറിച്ച് പ്രവാസികളെ ബോധ്യപ്പെടുത്തുക എന്ന ലക്ഷ്യത്തോടുകൂടിയാണ് പരിപാടി നടത്തിയത്. കെ.എം.സി.സി ജിദ്ദ സെൻട്രൽ കമ്മിറ്റി ജനറൽ സെക്രട്ടറി അബൂബക്കർ അരിമ്പ്ര ഉദ്ഘാടനം ചെയ്തു. പ്രസിഡൻറ് നാസർ കൊടുവള്ളി അധ്യക്ഷത വഹിച്ചു.
സെൻട്രൽ കമ്മിറ്റി നോർക്ക സെൽ ചെയർമാൻ അബ്ദുൽ കരീം കൂട്ടിലങ്ങാടി ക്ലാസെടുത്തു. അഷ്റഫ് കാപ്പാട്ട്, നവാസ് താമരശ്ശേരി, ഉമ്മർ പട്ടിക്കാട്, സിദ്ദീഖ് കോതമംഗലം, പി.ടി. ജലാൽ, ഇണ്ണി ചുങ്കത്തറ, ഷമീർ വയനാട് എന്നിവർ സംസാരിച്ചു.
സെക്രട്ടറി അർഷിദ് വെട്ടത്തൂർ സ്വാഗതവും ട്രഷറർ മുജീബ് പരപ്പനങ്ങാടി നന്ദിയും പറഞ്ഞു. ബാബു തേലക്കാട് പ്രാർഥന നടത്തി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.