ജിദ്ദ: കുറ്റവാളികളെ പിടികൂടാൻ സൗദി സുരക്ഷാസേനക്ക് ഇനി ഹൈടെക് കാറുകളും. ദമ്മാമിലെ അബ്ദുറഹ്മാൻ ബിൻ ഫൈസൽ യൂനിവേഴ്സിറ്റിയിൽ നടന്ന വാഹന പ്രദർശനത്തിലാണ് ഇൗ കാർ അവതരിപ്പിക്കപ്പെട്ടത്. ഏറ്റവും നൂതനമായ സാേങ്കതിക സംവിധാനങ്ങളാണ് കാറിലുള്ളത്. വ്യക്തികളുടെ മുഖം തിരിച്ചറിഞ്ഞ് പൊലീസ് ഡാറ്റാബേസിൽ നിന്ന് ആളെ മനസിലാക്കാൻ സാധിക്കുന്ന കാമറ സംവിധാനമാണ് പ്രധാന പ്രത്യേകത. രാത്രിയിലും പകലിലും ഒരുപോലെ നിരീക്ഷണം നടത്താനാകുന്ന ഇൻഫ്രാറെഡ് കാമറകൾ, വാഹനങ്ങളുടെ അമിത വേഗത കണ്ടെത്താനുള്ള റഡാർ സംവിധാനങ്ങൾ എന്നിവയും ഇതിലുണ്ട്. 360 ഡിഗ്രിയിൽ പ്രവർത്തിക്കുന്ന പ്രത്യേകതരം കാമറകളിൽ പതിയുന്ന കാര്യങ്ങൾ തത്സമയം സുരക്ഷാസേനയുടെ ഒാപറേഷൻസ് റൂമിൽ എത്തിക്കാനും കഴിയും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.