ദമ്മാം: കിഴക്കൻ പ്രവിശ്യ സ്റ്റുഡൻറ്സ് ഇന്ത്യയുടെ ടീൻസ് കോൺഫറൻസ് മജീഷ്യൻ ഗോപിനാഥ് മുതുകാട് ഉദ്ഘാ ടനം ചെയ്തു. ഓരോരുത്തരും വ്യത്യസ്തരും അവരവരുടെ മേഖലകളിൽ അതുല്യരുമാണെന്നും ആർജിക്കുന്ന കഴിവുകൾ സമൂഹത്തിലേക്ക് പകരാൻ കഴിയേണ്ടതുണ്ടെന്നും മുതുകാട് പറഞ്ഞു. ഒരു വിദ്യാർഥിയുടെ പരമമായ ധർമം പഠിക്കുക എന്നതാണ്. ക്ലാസുകളിൽ പൂർണമായ ശ്രദ്ധ ആവശ്യമാണ്‌. നിരന്തര വായനയിലൂടെ ജീവിതത്തിൽ മാസ്മരിക മാറ്റങ്ങളുണ്ടാക്കാൻ കഴിയും. പാഠപുസ്തകങ്ങൾക്ക് അപ്പുറത്തും വായനക്ക് സമയം കണ്ടെത്തണമെന്നും അദ്ദേഹം പറഞ്ഞു. ആത്മവിശ്വാസവും കഠിന പരിശ്രമവുമാണ് ജീവിത വിജയത്തിന് വഴിയൊരുക്കുന്നതെന്ന് ഇറാം ഗ്രൂപ്പ് ചെയർമാൻ ഡോ. സിദ്ദീഖ് അഹ്മദ് പറഞ്ഞു. ഡോ. മുഹമ്മദ് നജീബ്, ഡോ.സാദിയ ഖാൻ, അമീൻ ചൂനൂർ, മുഹമ്മദ് ഷാൻ എന്നിവർ വിവിധ സെഷനുകൾക്ക് നേതൃത്വം നൽകി. പാരൻറിങ് സെഷനിൽ അക്ബർ വാണിയമ്പലം, ഉമർ ഫാറൂഖ് എന്നിവർ വിഷയങ്ങൾ അവതരിപ്പിച്ചു. സഫയർ കുട്ടികളുമായി സംവദിച്ചു.
യാസീൻ, സുഹൈൽ മങ്കരത്തൊടി, സ്വാലിഹ് , മുസ്ലിഹ, ഫാജിഷ ഇല്യാസ്, അമീന, ദിയ അംന, ഫാത്വിമ ഷുറൂഖ്, ഫാരിസ് എന്നിവർ വിവിധ വിഷയങ്ങൾ അവതരിപ്പിച്ചു. ഫഹ്മിയ ഷാജഹാൻ, ഹിമ അഹ്ലാൻ, ബിഫ്ന ബഷീർ, ഇബാ ശരീഫ്, തസ്നി സിദ്ദീഖ്, ഷിഫ സുബൈർ, അർവാ സൈദലവി എന്നിവർ കലാപരിപാടികൾ അവതരിപ്പിച്ചു. ഷബീർ ചാത്തമംഗലം, യുംന ഫൈസൽ എന്നിവർ അവതാരകരായിരുന്നു. ഇന്ത്യൻ സ്കൂൾ ക്ലസ്റ്റർ മീറ്റ് ഡിബേറ്റ് മത്സരത്തിൽ ഒന്നാം സ്ഥാനം നേടിയ ആയിശ സഫയറിനെ മെമേൻറാ നൽകി ആദരിച്ചു. കൺവീനർ അബ്ദുസ്സമദ് കരുവാരക്കുണ്ട് അധ്യക്ഷത വഹിച്ചു. സുമയ്യ പർവേസ് സ്വാഗതവും ബിഫ്ന ബഷീർ ഖിറാഅത്തും നിർവഹിച്ചു. തനിമ കേന്ദ്ര രക്ഷാധികാരി കെ.എം ബഷീർ സമാപന പ്രസംഗം നടത്തി. ആർ.സി യാസിർ, അബ്ദുൽ ഹമീദ്, പി.ടി. അഷ്റഫ്, ആസിഫ് കക്കോടി, കുഞ്ഞിമുഹമ്മദ്, ഷാജഹാൻ, ഇല്യാസ് ചേളന്നൂർ, ഷാജഹാൻ ജുബൈൽ, ഹുദ മൻഹാം, ഡോ. നുസ്റ എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.