പ്രവാസം അവസാനിപ്പിച്ചു മടങ്ങുന്ന കാട്ടിക്കുളങ്ങര ഉമ്മറിന് ജിദ്ദ പൊന്മള പഞ്ചായത്ത് കെ.എം.സി.സി ഉപഹാരം നാണി ഇസ്ഹാഖ് സമ്മാനിക്കുന്നു
ജിദ്ദ: മൂന്നര പതിറ്റാണ്ടു കാലത്തെ പ്രവാസത്തിന് വിരാമം കുറിച്ച് മടങ്ങുന്ന കെ.എം.സി.സി പ്രവർത്തകനും ജീവകാരുണ്യ പ്രവർത്തനങ്ങളിൽ സജീവ സാന്നിധ്യവുമായ കാട്ടിക്കുളങ്ങര ഉമ്മറിന് ജിദ്ദ പൊന്മള പഞ്ചായത്ത് കെ.എം.സി.സി കമ്മിറ്റി യാത്രയയപ്പ് നൽകി. മലപ്പുറം ജില്ല കെ.എം.സി.സി ജനറൽ സെക്രട്ടറി നാണി ഇസ്ഹാഖ് പരിപാടി ഉദ്ഘാടനം ചെയ്തു.
പൊന്മള പഞ്ചായത്ത് കെ.എം.സി.സി പ്രസിഡൻറ് അൻവർ പൂവ്വല്ലൂർ അധ്യക്ഷത വഹിച്ചു. ജിദ്ദ കോട്ടക്കൽ മണ്ഡലം കെ.എം.സി.സി ജനറൽ സെക്രട്ടറി ഹംദാൻ ബാബു മുഖ്യപ്രഭാഷണം നടത്തി. മണ്ഡലം ചെയർമാൻ റസാഖ് പൂങ്ങോട്ടിൽ, അഹമ്മദ്കുട്ടി വടക്കേതിൽ, സാബിർ വളാഞ്ചേരി, ഇബ്രാഹീം കാട്ടികുളങ്ങര എന്നിവർ സംസാരിച്ചു. പൊന്മള പഞ്ചായത്ത് കെ.എം.സി.സിയുടെ ഉപഹാരം നാണി ഇസ്ഹാഖ്, ഉമ്മറിന് സമ്മാനിച്ചു. നാട്ടിൽ മുസ്ലിംലീഗ് പാർട്ടിക്കും നാട്ടുകാർക്കും വേണ്ടി പ്രവർത്തിക്കുമെന്ന് മറുപടി പ്രസംഗത്തിൽ ഉമർ പറഞ്ഞു. പൊന്മള പഞ്ചായത്ത് കെ.എം.സി.സി ജനറൽ സെക്രട്ടറി സമദലി വട്ടപ്പറമ്പ് സ്വാഗതവും ട്രഷറർ ഹനീഫ വടക്കൻ നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.