ഖമീസ് മുശൈത്തിൽ ഫാൽക്കൺ ഫുട്ബാൾ ക്ലബ് സംഘടിപ്പിച്ച ഫുട്ബാൾ വിജയാഘോഷവും ക്രിസ്മസ് ആഘോഷവും അഷറഫ് കുറ്റിച്ചൽ ഉദ്ഘാടനം ചെയ്യുന്നു
ഖമീസ് മുശൈത്ത്: ജി.കെ.പി.എ ഖമീസ് മുശൈത്തിൽ സംഘടിപ്പിച്ച ഫുട്ബാൾ ടൂർണമെൻറ് മത്സരത്തിൽ വിജയികളായ ഫാൽക്കൺ ക്ലബ് വിജയാഘോഷവും ക്രിസ്മസ് ആഘോഷവും സംഘടിപ്പിച്ചു. മത്സര സമ്മാനമായി ലഭിച്ച മുട്ടൻ ആടിനെ അറുത്ത് ബിരിയാണി വെച്ച് ക്ലബ് അംഗങ്ങൾക്കും മത്സരത്തിൽ പങ്കെടുത്ത മറ്റ് ടീം അംഗങ്ങൾക്കും വിതരണം നടത്തിയാണ് ആഘോഷ പരിപാടികൾ നടന്നത്. ഖമീസ് മുശൈത്ത് മുനീറ ഓഡിറ്റോറിയത്തിൽ നടന്ന പരിപാടി ജിദ്ദ കോൺസുലേറ്റ് സോഷ്യൽ സർവിസ് അംഗം അഷ്റഫ് കുറ്റിച്ചൽ ഉദ്ഘാടനം ചെയ്തു. അനീസ് കുറ്റ്യാടി അധ്യക്ഷത വഹിച്ചു. മനാഫ് പരപ്പിൽ സ്വാഗതവും നാസിക്ക് കോഴിക്കോട് നന്ദിയും പറഞ്ഞു. ഉസ്മാൻ കിളിയമണ്ണിൽ, ജോസ് പൈലി, സത്താർ ഒലിപ്പുഴ, മുജീബ് എള്ളുവിള, നസീർ, അഹമ്മദ്കുട്ടി, ഷമീർ കോഴിക്കോട്, ഗഫൂർ, ഫൈസൽ റസാഖ് കിണാശ്ശേരി എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.