സൗദി കിരീടാവകാശി അമീർ മുഹമ്മദ് ബിൻ സൽമാനും ഫുട്ബാൾ താരം ക്രിസ്റ്റ്യാനോ റൊണാൾഡോയും ഹസ്തദാനംചെയ്യുന്നു
ജിദ്ദ: സൗദി കിരീടാവകാശി അമീർ മുഹമ്മദ് ബിൻ സൽമാനെ കണ്ട് ഹസ്തദാനംചെയ്യുന്ന വിഡിയോ ദൃശ്യങ്ങൾ സമൂഹമാധ്യമങ്ങളിൽ പങ്കുവെച്ച് പ്രമുഖ ഫുട്ബാൾ താരം ക്രിസ്റ്റ്യാനോ റൊണാൾഡോ. തിങ്കളാഴ്ച റിയാദിൽ നടന്ന ‘ന്യൂ വേൾഡ് സ്പോർട്സ് കോൺഫറൻസിനിടയിലാണ് റൊണാൾഡോ കിരീടാവകാശിയെ കണ്ടത്.
ഇ-സ്പോർട്സ് ലോകകപ്പിന്റെ പ്രഖ്യാപനത്തിന് സാക്ഷ്യംവഹിച്ച സമ്മേളനത്തിനുശേഷമാണ് സൗദി ക്ലബായ അൽനസ്റിൽ ചേർന്ന പോർചുഗീസ് താരം സൗദി കിരീടാവകാശിയുമായി ഹസ്തദാനം ചെയ്തത്. കിരീടാവകാശി അമീർ മുഹമ്മദ് ബിൻ സൽമാനെ വീണ്ടും കാണാനായതിൽ ഞാൻ അഭിമാനിക്കുന്നുവെന്ന് റൊണാൾഡോ തന്റെ എക്സ് അക്കൗണ്ടിൽ കുറിച്ചു.
ഇ-സ്പോർട്സിന്റെ ഭാവിയെക്കുറിച്ചും അടുത്ത വർഷം സൗദിയിൽ നടക്കാനിരിക്കുന്ന ആദ്യത്തെ ഇ-സ്പോർട്സ് ലോകകപ്പിന്റെ സമാരംഭത്തെക്കുറിച്ചും ചർച്ച ചെയ്യുന്ന സെഷന്റെ ഭാഗമാകാൻ കഴിഞ്ഞതിൽ സന്തോഷമുണ്ടെന്നും റൊണാൾഡോ പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.