ജിദ്ദ: സൗദിയിൽ കോവിഡ് രോഗമുക്തരാവുന്നവരുടെ എണ്ണത്തിൽ വൻ വർദ്ധന. ഇന്ന് 999 പുതിയ രോഗികൾ റിപ്പോർട്ട് ചെയ്ത പ്പോൾ രോഗമുക്തരായവരുടെ എണ്ണം 1,286 ആണ്. ഇതോടെ രാജ്യത്ത് ആകെ റിപ്പോർട്ട് ചെയ്ത കേസുകളുടെ എണ്ണം 4,28,369 ആയി. ആകെ രോഗമുക്തരുടെ എണ്ണം 4,12,102 .
പുതുതായി 13 പേർ മരിച്ചു. ഇതോടെ ആകെ മരണം 7,098 ആയി. രാജ്യത്തെ വിവിധ ആശുപത്രികളിലും മറ്റുമായി 9,169 പേരാണ് ചികിത്സയിലുള്ളത്.
ഇവരിൽ 1,358 പേരുടെ നില ഗുരുതരമാണ്. ചികിത്സയിൽ കഴിയുന്ന ബാക്കിയുള്ളവരുടെ ആരോഗ്യനില തൃപ്തികരമാണ്. രാജ്യത്തെ കോവിഡ് മുക്തി നിരക്ക് 96 ശതമാനവും മരണനിരക്ക് 1.66 ശതമാനവുമാണ്.
ഏറ്റവും കൂടുതൽ രോഗികളുള്ളത് റിയാദ് പ്രവിശ്യയിലാണ്. എന്നാൽ റിയാദിൽ പുതുതായി റിപ്പോർട്ട് ചെയ്യുന്ന രോഗികളുടെ എണ്ണത്തിൽ കുറവുണ്ട്. വിവിധ പ്രവിശ്യകളിൽ പുതുതായി റിപ്പോർട്ട് ചെയ്ത രോഗികളുടെ എണ്ണം: റിയാദ് 352, മക്ക 260, കിഴക്കൻ പ്രവിശ്യ 120, മദീന 54, അസീർ 50, ജീസാൻ 47, അൽ ഖസീം 31, തബൂക്ക് 25, നജ്റാൻ 17, ഹാഇൽ 16, അൽബാഹ 12, വടക്കൻ തിർത്തി മേഖല 8, അൽ ജൗഫ് 7.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.