ജാ​തി, കു​ല​ബോ​ധം തി​രി​ച്ചു​വ​രു​ന്നു -ചി​ല്ല റി​യാ​ദ് പ്ര​തി​മാ​സ വാ​യ​ന

റി​യാ​ദ്: കേ​ര​ള​ത്തി​​ന്റെ ന​വോ​ത്ഥാ​ന​മൂ​ല്യ​ങ്ങ​ളെ നി​രാ​ക​രി​ച്ചു​കൊ​ണ്ട് ജാ​തി​മേ​ന്മ​യി​ലും കു​ല​മ​ഹി​മ​യി​ലും അ​ധി​ഷ്ഠി​ത​മാ​യ പൊ​തു​ബോ​ധം ശ​ക്തി​പ്പെ​ടു​ക​യാ​ണെ​ന്ന് റി​യാ​ദി​ലെ ചി​ല്ല സ​ർ​ഗ​വേ​ദി​യു​ടെ പ്ര​തി​മാ​സ വാ​യ​ന ച​ർ​ച്ചാ​വേ​ദി അ​ഭി​പ്രാ​യ​പ്പെ​ട്ടു. ‘ജാ​തി, കു​ലം, പൊ​തു​ബോ​ധം’ എ​ന്ന വി​ഷ​യ​ത്തി​ൽ ന​ട​ന്ന സം​വാ​ദ​ത്തി​ൽ മ​ല​യാ​ളി​യു​ടെ ജ​ന​പ്രി​യ​മേ​ഖ​ല​ക​ളി​ൽ വ​രെ ഈ ​പൊ​തു​ബോ​ധം ആ​ധി​പ​ത്യം പു​ല​ർ​ത്തു​ന്ന​താ​യി ചൂ​ണ്ടി​ക്കാ​ട്ടി. സു​രേ​ഷ് ഗോ​പി അ​ട​ക്ക​മു​ള്ള​വ​ർ ഒ​ട്ടും ച​രി​ത്ര-​സാ​മൂ​ഹി​ക​ബോ​ധ​മി​ല്ലാ​തെ ത​ട്ടി​വി​ടു​ന്ന ജാ​തി-​കു​ല​മേ​ന്മാ വാ​ദ​ങ്ങ​ൾ സാ​ധാ​ര​ണ​ക്കാ​രി​ലേ​ക്ക് എ​ളു​പ്പം എ​ത്തു​ന്നു​ണ്ടെ​ന്ന വി​ല​യി​രു​ത്ത​ലു​ണ്ടാ​യി.

സം​വാ​ദ​ത്തി​ന് മു​ന്നോ​ടി​യാ​യി മൂ​ന്ന് പു​സ്ത​കാ​വ​ത​ര​ണ​ങ്ങ​ൾ ന​ട​ന്നു. പ്ര​ശ​സ്ത ദ​ലി​ത് എ​ഴു​ത്തു​കാ​ര​നും ചി​ന്ത​ക​നു​മാ​യ കാ​ഞ്ച ഇ​ള​യ്യ ര​ചി​ച്ച ‘ഗോ​ഡ് ആ​സ് പൊ​ളി​റ്റി​ക്ക​ൽ ഫി​ലോ​സ​ഫ​ർ: ബു​ദ്ധാ​സ് ച​ല​ഞ്ച് ടു ​ബ്രാ​ഹ്മ​ണി​സം’ എ​ന്ന കൃ​തി​യു​ടെ സ​വി​ശേ​ഷ​മാ​യ ചി​ന്ത​ക​ൾ പ​ങ്കു​വെ​ച്ച്​ ജോ​ണി പ​നം​കു​ളം തു​ട​ക്കം കു​റി​ച്ചു. ബു​ദ്ധ​നെ​യും നാ​രാ​യ​ണ ഗു​രു​വി​നെ​യു​മെ​ല്ലാം അ​വ​താ​ര​ങ്ങ​ളാ​ക്കി, ദൈ​വ​ങ്ങ​ളാ​ക്കി മാ​റ്റു​ന്ന ഇ​ക്കാ​ല​ത്ത് മ​നു​ഷ്യ​നും സ​മൂ​ഹ​വും ത​മ്മി​ലു​ള്ള ബ​ന്ധ​ത്തെ നി​ർ​വ​ചി​ച്ച സാ​മൂ​ഹി​ക പ​രി​ഷ്ക​ർ​ത്താ​വും വി​പ്ല​വ​കാ​രി​യു​മാ​യ ബു​ദ്ധ​​ന്റെ ചി​ന്ത​ക​ൾ ഇ​ള​യ്യ​യു​ടെ കൃ​തി​യി​ലൂ​ടെ ജോ​ണി സ​ദ​സ്സു​മാ​യി പ​ങ്കു​വെ​ച്ചു.

ജാ​തി​വ്യ​വ​സ്ഥ​യെ വി​മ​ർ​ശി​ച്ച ബു​ദ്ധ​ൻ താ​ഴ്ന്ന ജാ​തി​ക്കാ​രെ സം​ഘ​ത്തി​ൽ ഉ​ൾ​പ്പെ​ടു​ത്തു​ക​യും സ്ത്രീ​ക​ൾ​ക്ക് സം​ഘ​ത്തി​ൽ മാ​ന്യ​മാ​യ സ്ഥാ​നം ന​ൽ​കു​ക​യും അ​വ​രി​ൽ ചി​ല​രെ ത​​ന്റെ വി​ശ്വ​സ്ത ഉ​പ​ദേ​ശ​ക​രാ​ക്കി മാ​റ്റു​ക​യും ചെ​യ്തു. ജ​നാ​ധി​പ​ത്യ​ത്തി​​ന്റെ പു​രാ​ത​ന​മാ​യ പ്ര​യോ​ഗ​ങ്ങ​ൾ ബു​ദ്ധ​​ന്റെ സാ​മൂ​ഹി​ക ഇ​ട​പെ​ട​ലു​ക​ളി​ൽ കാ​ണാ​ൻ സാ​ധി​ക്കും. ബു​ദ്ധ​നെ വെ​റു​മൊ​രു ആ​ത്മീ​യ ത​ത്ത്വജ്ഞാ​നി​യാ​ക്കി ചു​രു​ക്കു​ക​യ​ല്ല, മ​റി​ച്ച് വ​ലി​യ സാ​മൂ​ഹി​ക ചാ​ല​ക​ശ​ക്തി​യാ​ക്കി സാ​ർ​ഥ​ക​മാ​യ ആ​ഖ്യാ​നം ന​ൽ​കു​ക​യാ​ണ് ഇ​ള​യ്യ ചെ​യ്യു​ന്ന​തെ​ന്ന് ജോ​ണി വി​ശ​ദീ​ക​രി​ച്ചു.

ഇ​ന്ത്യ​യി​ലെ മു​ൻ സി​വി​ൽ സ​ർ​വീ​സ് ഉ​ദ്യോ​ഗ​സ്ഥ​നും സ​മാ​ധാ​ന-​നീ​തി പ്ര​വ​ർ​ത്ത​ക​നു​മാ​യ ഹ​ർ​ഷ് മ​ന്ദ​ർ എ​ഴു​തി​യ ‘ഫാ​റ്റ​ൽ ആ​ക്‌​സി​ഡ​ന്റ്​​സ്​ ഓ​ഫ് ബെ​ർ​ത്ത്’ എ​ന്ന കൃ​തി​യു​ടെ വൈ​കാ​രി​ക​മാ​യ ത​ല​ങ്ങ​ൾ എം. ​ഫൈ​സ​ൽ സ​ദ​സ്സി​ൽ അ​വ​ത​രി​പ്പി​ച്ചു. ഭീ​തി​യി​ൽ ക​ന​ത്തു​നി​ൽ​ക്കു​ന്ന വാ​ർ​ത്ത​മാ​ന​കാ​ല​ത്തെ ഹൃ​ദ​യ​ത്തി​ന്റെ ആ​ഴ​ത്തി​ൽ കൊ​ത്തു​ന്ന സം​ഭ​വ​ങ്ങ​ളു​ടെ വി​വ​ര​ണ​ങ്ങ​ൾ ഫൈ​സ​ൽ പ​ങ്കു​വ​ച്ചു.

സു​രേ​ഷ് ലാ​ൽ അ​വ​ത​രി​പ്പി​ച്ച​ത് സു​നി​ൽ പി. ​ഇ​ള​യി​ടം എ​ഴു​തി​യ ‘മൈ​ത്രി​യു​ടെ ലോ​ക​ജീ​വി​തം’ എ​ന്ന കൃ​തി​യു​ടെ വാ​യ​നാ​നു​ഭ​വ​മാ​ണ്. സാ​ഹോ​ദ​ര്യം, മൈ​ത്രി എ​ന്നീ ആ​ശ​യ​ങ്ങ​ളെ ന​മ്മു​ടെ സാ​മൂ​ഹി​ക, ച​രി​ത്ര​വി​ചാ​ര ജീ​വി​ത​ത്തി​​ന്റെ വി​വി​ധ ത​ല​ങ്ങ​ളി​ലൂ​ടെ പ​രി​ശോ​ധി​ക്കു​ക​യാ​ണ് ഈ ​പു​സ്ത​കം. ശ്രീ​നാ​രാ​യ​ണ​ഗു​രു, ഡോ. ​അം​ബേ​ദ്‌​ക​ർ, ഗാ​ന്ധി​ജി എ​ന്നി​വ​ർ മു​ത​ൽ ഡോ. ​പ്ര​ദീ​പ​ൻ പാ​മ്പി​രി​ക്കു​ന്ന് വ​രെ​യു​ള്ള ചി​ന്ത​ക​രെ മു​ൻ​നി​ർ​ത്തി​യാ​ണ് പു​സ്ത​കം വി​ശ​ക​ല​നം ന​ട​ത്തു​ന്ന​ത്.

ജോ​മോ​ൻ സ്റ്റീ​ഫ​ൻ വാ​യ​ന​ക​ളു​ടെ അ​വ​ലോ​ക​നം ന​ട​ത്തി. ച​ർ​ച്ച​യി​ൽ വി​പി​ൻ കു​മാ​ർ, സ​ര​സ​ൻ ബ​ദി​യ, റ​സൂ​ൽ സ​ലാം, സ​ബീ​ന എം. ​സാ​ലി, റ​ഫീ​ഖ് പ​ന്നി​യ​ങ്ക​ര, വി.​കെ. ഷ​ഹീ​ബ, ന​ജിം കൊ​ച്ചു​ക​ലു​ങ്ക്, അ​നി​ത്ര ജ്യോ​മി എ​ന്നി​വ​ർ പ​ങ്കെ​ടു​ത്തു. നാ​സ​ർ കാ​ര​ക്കു​ന്ന് സം​വാ​ദ​ത്തി​ൽ മോ​ഡ​റേ​റ്റ​റാ​യി.