അബ്ഹ: ബസ് മറിഞ്ഞ് 15 വിദ്യാർഥിനികൾക്ക് പരിക്ക്. ഇന്നലെ രാവിലെ ഖമീസ് മുശൈത്തിലെ സൗദി ജർമൻ ആശുപത്രിക്ക് പിന്നിലാണ് സംഭവം. കോളജിലേക്ക് വിദ്യാർഥിനികളെ കൊണ്ടുപോകുന്ന സ്വകാര്യ ബസാണ് മറിഞ്ഞതെന്ന് കിങ് ഖാലിദ് യൂനിവേഴ്സിറ്റി വക്താവ് ഡോ. അബ്ദുല്ല അൽഹാമിദ് പറഞ്ഞു. 12 പേരെ ഖമീസിലെ സിവിൽ ആശുപത്രിയിലും മൂന്ന് പേരെ സൗദി ജർമൻ ആശുപത്രിയിലും പ്രവേശിപ്പിച്ചു. 12 പേർ പ്രാഥമിക ചികിത്സക്ക് ശേഷം ആശുപത്രി വിട്ടിട്ടുണ്ട്. താരതമ്യേനെ കൂടുതൽ പരിക്കുള്ള മൂന്നുപേർ മാത്രമാണ് ഇപ്പോഴും ചികിത്സയിലുള്ളത്. രക്ഷാപ്രവർത്തനത്തിന് സിവിൽ ഡിഫൻസ്, റെഡ്ക്രസൻറ്, യൂനിവേഴ്സിറ്റി സംഘങ്ങളും സ്ഥലത്തെത്തിയിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.