മ​ക്ക​യി​ലും മ​ദീ​ന​യി​ലും തീ​ർ​ഥാ​ട​ക​രു​ടെ​ സേ​വ​ന​ത്തി​ന്​ എ.​ഐ റോ​ബോ​ട്ട്​

മ​ക്ക: മ​ക്ക​യി​ലെ മ​സ്ജി​ദു​ൽ ഹ​റാ​മി​ലും മ​ദീ​ന​യി​ലെ മ​സ്ജി​ദു​ന്ന​ബ​വി​യും എ​ത്തു​ന്ന തീ​ർ​ഥാ​ട​ക​രു​ടെ അ​ന്വേ​ഷ​ണ​ങ്ങ​ൾ​ക്ക് ഒ​ന്നി​ല​ധി​കം ഭാ​ഷ​ക​ളി​ൽ മ​റു​പ​ടി ന​ൽ​കു​ന്ന​തി​നാ​യി ആ​ർ​ട്ട്ഫി​ഷ്യ​ൽ ഇ​ന്റ​ലി​ജ​ന്റ്സ്​ ഉ​പ​യോ​ഗി​ച്ച് പ്ര​വ​ർ​ത്തി​ക്കു​ന്ന ‘റോ​ബോ​ട്ട് മ​നാ​റ’​യു​ടെ ര​ണ്ടാം പ​തി​പ്പ് പു​റ​ത്തി​റ​ങ്ങി. ഹ​ജ്ജ് സീ​സ​ണി​ൽ ഇ​രു ഹ​റ​മു​ക​ളി​ലും എ​ത്തു​ന്ന വി​ശ്വാ​സി​ക​ളു​ടെ ആ​ത്മീ​യ അ​നു​ഭ​വം സ​മ്പ​ന്ന​മാ​ക്കു​ക എ​ന്ന ല​ക്ഷ്യ​ത്തോ​ടെ ഇ​രു​ഹ​റം കാ​ര്യാ​ല​യം ഒ​രു​ക്കു​ന്ന ഡി​ജി​റ്റ​ൽ സം​വി​ധാ​ന​ങ്ങ​ളു​ടെ ഭാ​ഗ​മാ​ണി​ത്.

ഹ​ജ്ജി​​ന്റെ സാ​ർ​വ​ത്രി​ക സ​ന്ദേ​ശം കൈ​മാ​റാ​നും ക​ർ​മ​പ​ര​മാ​യ കാ​ര്യ​ങ്ങ​ളും ശ​രീ​അ​ത്ത് വ്യ​വ​സ്ഥ​ക​ളും ഒ​ന്നി​ല​ധി​കം ഭാ​ഷ​ക​ളി​ൽ പ​രി​ച​യ​പ്പെ​ടു​ത്താ​നും ക​ഴി​യു​ന്ന എ.​ഐ റോ​ബോ​ട്ട് ആ​ണ് ‘മ​നാ​റ 2.0’. ഇ​രു​ഹ​റം കാ​ര്യാ​ല​യ മേ​ധാ​വി ഡോ. ​അ​ബ്​​ദു​റ​ഹ്​​മാ​ൻ അ​ൽ സു​ദൈ​സ് ഇ​തി​​ന്റെ ഉ​ദ്‌​ഘാ​ട​നം നി​ർ​വ​ഹി​ച്ചു. സ​മ​ഗ്ര​വും നി​യ​ന്ത്രി​ത​വു​മാ​യ ഡാ​റ്റ ബേ​സി​ലൂ​ടെ മ​ത​പ​ര​വും നി​യ​മ​പ​ര​വു​മാ​യ അ​ന്വേ​ഷ​ണ​ങ്ങ​ൾ​ക്ക് ത​ത്സ​മ​യം ഉ​ത്ത​രം ന​ൽ​കു​ന്ന​തി​ന് എ.​ഐ ന​ൽ​കു​ന്ന സ്മാ​ർ​ട്ട് റ​ഫ​റ​ൻ​സ് എ​ന്ന നി​ല​യി​ലാ​ണ് ‘റോ​ബോ​ട്ട് മ​നാ​റ’ രൂ​പ​ക​ൽ​പ്പ​ന ചെ​യ്തി​രി​ക്കു​ന്ന​ത്.

നി​ര​വ​ധി സ്മാ​ർ​ട്ട് ഇ​ന്റ​റാ​ക്ടീ​വ് സ്‌​ക്രീ​നു​ക​ൾ, ആ​ഗോ​ള ഇ​ല​ക്ട്രോ​ണി​ക് പ്ലാ​റ്റ്‌​ഫോം, സൂ​റ അ​ൽ ഫാ​ത്തി​ഹ​യു​ടെ പാ​രാ​യ​ണ​വും ബ​ഹു​ഭാ​ഷ​യി​ൽ വി​ശ​ദീ​ക​ര​ണ​വു​മു​ള്ള ആ​പ് എ​ന്നി​വ ര​ണ്ടാം പ​തി​പ്പി​ൽ ഉ​ൾ​പ്പെ​ടു​ന്നു.

ഹ​ജ്ജ് സീ​സ​ണി​ൽ എ​ത്തു​ന്ന വി​ശ്വാ​സി​ക​ൾ​ക്ക് വൈ​വി​ധ്യ​മാ​ർ​ന്ന സം​വി​ധാ​ന​ങ്ങ​ളി​ലൂ​ടെ സം​യോ​ജി​ത സേ​വ​ന​ങ്ങ​ൾ ന​ൽ​കാ​നും എ.​ഐ, സ്മാ​ർ​ട്ട് ആ​പ്പു​ക​ൾ, മീ​ഡി​യ എ​ന്നി​വ​യി​ലൂ​ടെ ഡി​ജി​റ്റ​ൽ അ​നു​ഭ​വം മെ​ച്ച​പ്പെ​ടു​ത്തു​ന്ന​തി​നു​മു​ള്ള പ​ദ്ധ​തി​ക​ളു​ടെ ഭാ​ഗ​മാ​ണി​ത്.