അബ്ദുറസാഖ്
അബഹ: ഹൃദയാഘാതത്തെ തുടർന്ന് മരിച്ച മലപ്പുറം സ്വദേശിയെ ഖമീസ് മുശൈത്തിൽ ഖബറടക്കി. മഞ്ചേരി പൂഴിക്കുത്ത് സ്വദേശി അബ്ദുറസാഖിന്റെ (60) മൃതദേഹമാണ് ഖമീസ് മുശൈത്ത് ഇഷാറ 80ലെ മസ്ലും മഖ്ബറയിൽ സംസ്കരിച്ചത്. ബലദിലെ നിമ്റ പള്ളിയിൽ മയ്യിത്ത് നമസ്കാരം നടന്നു. ഖമീസ് മുശൈത്തിൽ സെയിൽസ്മാനായി ജോലിചെയ്തുവരുകയായിരുന്നു. കുളിമുറിയിൽ കയറിയപ്പോൾ കുഴഞ്ഞുവീണായിരുന്നു മരണം. 27 വർഷമായി പ്രവാസിയായിരുന്നു. നാലു വർഷമായി നാട്ടിൽ പോയി വന്നിട്ട്. കുടുംബം നാട്ടിലാണ്. ഭാര്യ: റസിയ. മക്കൾ: നജില, നജ്വ, നിഹ്മ, നവദീർ. മരണാനന്തര നിയമനടപടികൾ പൂർത്തിയാക്കാൻ ജിദ്ദ ഇന്ത്യൻ കോൺസുലേറ്റ് കമ്യൂണിറ്റി വെൽഫെയർ കമ്മിറ്റി അംഗം ഹനീഫ് മഞ്ചേശ്വരം നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.