ജിദ്ദ തുറമുഖം വഴി കടത്താൻ ശ്രമിച്ച 87 ലക്ഷം മയക്കുമരുന്ന് ഗുളികകൾ പിടികൂടിയപ്പോൾ
ജിദ്ദ: ജിദ്ദ തുറമുഖം വഴി 87,35,000 മയക്കുമരുന്ന് (കാപ്റ്റഗൺ) ഗുളികകൾ കടത്താനുള്ള ശ്രമം സൗദി സകാത്ത്, ടാക്സ് ആൻഡ് കസ്റ്റംസ് അതോറിറ്റി വിഫലമാക്കി.
തുറമുഖത്തെത്തിയ ചരക്കിനുള്ളിൽ ഒളിപ്പിച്ച നിലയിലാണ് ഇത്രയും ഗുളികകൾ കണ്ടെത്തിയത്. കൊക്കോ ഗുളികകൾ എന്ന പേരിലാണ് ചരക്കുകൾ എത്തിയതെന്നും കസ്റ്റംസ് നടപടിക്രമങ്ങൾക്ക് വിധേയമാക്കുന്നതിനിടെ തുറമുഖത്തെ സുരക്ഷ സാേങ്കതിക സംവിധാനങ്ങളിലൂടെയുള്ള പരിശോധനയിലാണ് കാപ്റ്റഗൺ ഗുളികകൾ കണ്ടെത്തിയതെന്നും കസ്റ്റംസ് അതോറിറ്റി വ്യക്തമാക്കി. കള്ളക്കടത്ത് ശ്രമം തടഞ്ഞശേഷം നാർക്കോട്ടിക്സ് കൺട്രോളുമായി സഹകരിച്ച് മൂന്നുപേരെ അറസ്റ്റ് ചെയ്തു.
എല്ലാ ഇറക്കുമതി, കയറ്റുമതി സാധനങ്ങളിലും യാത്രക്കാരിലും കസ്റ്റംസ് നിരീക്ഷണം തുടരുകയാണ്. ഇതിനായി രാജ്യത്തെ കര, കടൽ, േവ്യാമ തുറമുഖങ്ങളിൽ ശക്തമായി നിലകൊള്ളുന്നുവെന്നും സകാത്ത്, ടാക്സ് ആൻഡ് കസ്റ്റംസ് അതോറിറ്റി പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.