ദോഹ: കിരീടപ്രതീക്ഷയുമായി ഖത്തറിലേക്ക് പറക്കുന്ന സ്പാനിഷ് പടയുടെ താമസവും പരിശീലനവും ഖത്തർ യൂനിവേഴ്സിറ്റിയിൽ. ലയണൽ മെസ്സിയുടെ അർജന്റീന ടീമും ഖത്തർ യൂനിവേഴ്സിറ്റിയെ തന്നെയാണ് ബേസ് ക്യാമ്പായി തിരഞ്ഞെടുത്തത്. സെർജിയോ ബുസ്ക്വറ്റ്സും അൽവാരോ മെറാറ്റയും ഉൾപ്പെടെയുള്ള കിരീട ഫേവറിറ്റായ സ്പാനിഷ് പടയുടെ താമസവും പരിശീലനവും ഇവിടെയായിരിക്കും.
2010ല് ലോകകിരീടത്തില് മുത്തമിട്ട ടീമാണ് സ്പെയിന്. പേക്ഷ, കഴിഞ്ഞ രണ്ട് ലോകകപ്പിലും അവസാന എട്ടിലെത്താന് ടീമിനായിട്ടില്ല. ഇത്തവണ ഗ്രൂപ് ഘട്ടത്തില് ശക്തരായ ജര്മനിയടക്കമുള്ള ടീമുകളെയാണ് അവര്ക്ക് ഗ്രൂപ്പ് ഘട്ടത്തില് നേരിടേണ്ടത്. ഖത്തര് യൂനിവേഴ്സിറ്റി പ്രസിഡന്റ് ഡോ. ഹസന് അല് ദര്ഹാം ആണ് സ്പാനിഷ് ടീം ബേസ് ക്യാമ്പായി തെരഞ്ഞെടുത്ത കാര്യം അറിയിച്ചത്. അന്താരാഷ്ട്ര നിലവാരമുള്ള സൗകര്യങ്ങളാണ് കാമ്പസില് ഒരുക്കിയിരിക്കുന്നതെന്ന് അദ്ദേഹം പറഞ്ഞു.
പരിശീലനവും താമസവും ഒരേ സ്ഥലത്ത് ലഭ്യമാകുന്നു എന്നതാണ് പ്രമുഖ ടീമുകളെ ഖത്തര് യൂനിവേഴ്സിറ്റിയില് എത്തിക്കുന്നത്. വിവിധ കായിക മത്സരങ്ങൾക്ക് ഒരേസമയം വേദിയൊരുക്കാനുള്ള സൗകര്യങ്ങളോടെയാണ് ഖത്തർ സർവകലാശാലാ മൾട്ട് സ്പോർട്സ് കേന്ദ്രമായി മാറുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.