സൂഖ് വാഖിഫ്: താൽക്കാലിക കിയോസ്കിന് അപേക്ഷ ക്ഷണിച്ചു

ദോഹ: സഞ്ചാരികളുടെയും സ്വദേശികളുടെയും പ്രധാന ആകർഷണ കേന്ദ്രമായ സൂഖ് വാഖിഫിൽ താൽക്കാലിക കാർട്ടുകളും കിയോസ്കുകളും നടത്താൻ കച്ചവടക്കാരെ ക്ഷണിച്ചു. ചൂടുള്ളതും തണുത്തതുമായ പാനീയങ്ങൾ, ലഘുഭക്ഷണം, ഐസ്ക്രീമും മധുരപലഹാരങ്ങളും, സുവനീർ സമ്മാനങ്ങളും കളിപ്പാട്ടങ്ങളും എന്നിവ വിൽക്കുന്ന കടകൾ നടത്തുന്നതിനാണ് അപേക്ഷ ക്ഷണിച്ചത്.

താൽപര്യമുള്ളവർ -വാണിജ്യ ലൈസൻസ്, കിയോസ്കിലെ തൊഴിലാളികൾക്കുള്ള ആരോഗ്യ സർട്ടിഫിക്കറ്റ്, വണ്ടിയുടെയോ ബൂത്തിന്റെയോ ഫോട്ടോ, അതിന്റെ വലുപ്പം എന്നിവ വിശദീകരിച്ചുകൊണ്ട് s.waqif2022@gmail.com എന്ന ഇ-മെയിലിൽ പി.ഡി.എഫ് ഫോർമാറ്റിൽ സമർപ്പിക്കണം. ഒക്ടോബർ 30 ആണ് അപേക്ഷകൾ സ്വീകരിക്കുന്ന അവസാന തീയതി.ലോകകപ്പിനെത്തുന്ന കാണികൾ ഉൾപ്പെടെ വലിയൊരു വിഭാഗം സന്ദർശകരുടെ പ്രധാന കേന്ദ്രംകൂടിയാവും സൂഖ് വാഖിഫ്.