ആ​ഘോ​ഷ​ങ്ങ​ളു​ടെ ‘സൂ​ഖ് അ​ൽ റെ​യി​ൽ’

ദോ​ഹ: ഖ​ത്ത​ർ ദേ​ശീ​യ ദി​നാ​ഘോ​ഷ​ങ്ങ​ളു​ടെ ഭാ​ഗ​മാ​യി മു​ശൈ​രി​ബ് മെ​ട്രോ സ്റ്റേ​ഷ​നി​ൽ ഖ​ത്ത​ർ റെ​യി​ൽ ആ​രം​ഭി​ച്ച സൂ​ഖ് അ​ൽ റെ​യി​ൽ ശ്ര​ദ്ധേ​യ​മാ​കു​ന്നു. ഡി​സം​ബ​ർ അ​ഞ്ചി​ന് ആ​രം​ഭി​ച്ച സൂ​ഖ് ഡി​സം​ബ​ർ 14ന് ​സ​മാ​പി​ക്കും. ഖ​ത്ത​ർ റെ​യി​ലി​ന്റെ ദേ​ശീ​യ ദി​നാ​ഘോ​ഷ പ​രി​പാ​ടി​ക​ളു​ടെ ഭാ​ഗ​മാ​യി ‘ന​മ്മു​ടെ പൈ​തൃ​കം, ന​മ്മു​ടെ അ​ഭി​മാ​നം’ എ​ന്ന ത​ല​ക്കെ​ട്ടി​ലാ​ണ് സം​ഘ​ടി​പ്പി​ച്ചി​രി​ക്കു​ന്ന​ത്.

മി​ക​ച്ച പ്ര​തി​ക​ര​ണ​മാ​ണ് സൂ​ഖ് അ​ൽ റെ​യി​ലി​ന് ല​ഭി​ക്കു​ന്ന​തെ​ന്നും, പ​രി​പാ​ടി വ​ൻ വി​ജ​യ​മാ​യെ​ന്നും ഖ​ത്ത​ർ റെ​യി​ൽ ക​മ്യൂ​ണി​ക്കേ​ഷ​ൻ​സ് ആ​ൻ​ഡ് പ​ബ്ലി​ക് റി​ലേ​ഷ​ൻ​സ് വി​ഭാ​ഗം മേ​ധാ​വി അ​ബ്ദു​ല്ല അ​ലി അ​ൽ മ​വ്‌​ല​വി പ​റ​ഞ്ഞു.

സ്വ​ദേ​ശി​ക​ളും താ​മ​സ​ക്കാ​രും സ​ന്ദ​ർ​ശ​ക​രും ഉ​ൾ​പ്പെ​ടെ പൊ​തു​ജ​ന​ങ്ങ​ളി​ലേ​ക്ക് രാ​ജ്യ​ത്തി​ന്റെ പൈ​തൃ​ക​വും സാം​സ്കാ​രി​ക ത​നി​മ​യു​മെ​ത്തി​ക്കു​ക​യെ​ന്ന ല​ക്ഷ്യ​വു​മാ​യി വി​വി​ധ വി​നോ​ദ പ​രി​പാ​ടി​ക​ളോ​ടെ​യാ​ണ് സൂ​ഖ് അ​ൽ റെ​യി​ൽ പു​രോ​ഗ​മി​ക്കു​ന്ന​ത്. ആ​ഘോ​ഷ​ത്തി​ൽ പ​ങ്കു​ചേ​രാ​നും സാം​സ്‌​കാ​രി​ക വി​നോ​ദ പ​രി​പാ​ടി​ക​ൾ ആ​സ്വ​ദി​ക്കാ​നും സൂ​ഖ് അ​ൽ റെ​യി​ലി​ലേ​ക്ക് താ​മ​സ​ക്കാ​രെ​യും സ​ന്ദ​ർ​ശ​ക​രെ​യും ക്ഷ​ണി​ക്കു​ന്ന​താ​യി അ​ൽ മ​വ്‌​ല​വി പ​റ​ഞ്ഞു.

ദോ​ഹ മെ​ട്രോ​യി​ലെ മൂ​ന്ന് ലൈ​നു​ക​ളു​ടെ സം​ഗ​മ​സ്ഥാ​ന​മാ​യ മു​ശൈ​രി​ബ് സ്‌​റ്റേ​ഷ​ൻ ഖ​ത്ത​ർ ദേ​ശീ​യ ദി​നാ​ഘോ​ഷ​ത്തോ​ട​നു​ബ​ന്ധി​ച്ച് കൊ​ടി​തോ​ര​ണ​ങ്ങ​ളാ​ൽ അ​ല​ങ്ക​രി​ച്ച് സാം​സ്‌​കാ​രി​ക -വാ​ണി​ജ്യ കേ​ന്ദ്ര​മാ​ക്കി​യി​ട്ടു​ണ്ട്. ദേ​ശീ​യ ദി​ന​വു​മാ​യി ണ​ന്ധ​പ്പെ​ട്ട ഉ​ൽ​പ​ന്ന​ങ്ങ​ളും സു​വ​നീ​റു​ക​ളും സൂ​ഖി​ൽ പ്ര​ദ​ർ​ശ​ന​ത്തി​നും വി​ൽ​പ​ന​ക്കും എ​ത്തി​യി​ട്ടു​ണ്ട്.

ഞാ​യ​ർ മു​ത​ൽ വ്യാ​ഴം വ​രെ വൈ​കീ​ട്ട് അ​ഞ്ച് മു​ത​ൽ രാ​ത്രി ഒ​മ്പ​ത് വ​രെ​യും വെ​ള്ളി, ശ​നി ദി​വ​സ​ങ്ങ​ളി​ൽ വൈ​കീ​ട്ട് നാ​ല് മു​ത​ൽ രാ​ത്രി 10 വ​രെ​യു​മാ​ണ് സൂ​ഖ് പ്ര​വ​ർ​ത്തി​ക്കു​ക.

ഖ​ത്ത​റി​ന്റെ പ്ര​ശ​സ്ത​മാ​യ ‘അ​ർ​ദാ’ വാ​ൾ നൃ​ത്തം, പ​ര​മ്പ​രാ​ഗ​ത ഖ​ത്ത​രി വ​സ്ത്ര​ധാ​ര​ണം, ഫെ​യ്‌​സ് പെ​യി​ന്റി​ങ്, ഫാ​ൽ​ക്ക​ൺ​റി, ദേ​ശീ​യ ദി​ന പ്ര​ശ്‌​നോ​ത്ത​രി പ​രി​പാ​ടി, സ്റ്റോ​റി ടെ​ല്ലി​ങ് സ​ർ​ക്ൾ തു​ട​ങ്ങി വൈ​വി​ധ്യ​മാ​ർ​ന്ന പ​രി​പാ​ടി​ക​ളാ​ണ് സൂ​ഖി​ന​ക​ത്തു​ള്ള​ത്.