ദോഹ: ഡിസംബറിൽ പ്രീമിയം ഗ്രേഡ് പെട്രോളിന്റെയും സൂപ്പർ പെട്രോളിന്റെയും വിലയിൽ നേരിയ വർധന രേഖപ്പെടുത്തി. പുതുക്കിയ ഇന്ധനവില ഖത്തർ എനർജി കഴിഞ്ഞ ദിവസം പ്രഖ്യാപിച്ചു.
പ്രീമിയം ഗ്രേഡ് പെട്രോളിന് ലിറ്ററിന് 0.05 റിയാലാണ് വർധിച്ചത്. നിലവിൽ ലിറ്ററിന് 2 റിയാലാണ് വില, നവംബറിൽ 1.95 റിയാൽ ആയിരുന്നു. അതേസമയം, സൂപ്പർ പെട്രോളിന് ലിറ്ററിന് 2.05 റിയാലായും വർധിച്ചു.
നേരത്തേ ഇത് 2 റിയാൽ ആയിരുന്നു. അതേസമയം, ഡീസലിന്റെ വിലയിൽ മാറ്റമില്ലാതെ തുടരും. ലിറ്ററിന് 2.05 റിയാലായി നിശ്ചയിച്ചിട്ടുണ്ട്. അന്താരാഷ്ട്ര വിപണിക്ക് അനുസൃതമായി, എല്ലാ മാസവും ഖത്തർ എനർജിയാണ് പുതുക്കിയ വിലവിവരപ്പട്ടിക പുറത്തുവിടാറുള്ളത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.