ഏഷ്യൻ കബഡി അസോസിയേഷൻ റമദാൻ കബഡി ചാമ്പ്യൻഷിപ് അണ്ടർ 18 ജേതാക്കളായ എം.ഇ.എസ് സ്കൂൾ ടീം
ദോഹ: ഏഷ്യൻ കബഡി അസോസിയേഷൻ സംഘടിപ്പിച്ച റമദാൻ കബഡി ടൂർണമെന്റ് അണ്ടർ 18 ആൺകുട്ടികളുടെ വിഭാഗത്തിൽ ജേതാക്കളായ എം.ഇ.എസ് ഇന്ത്യൻ സ്കൂൾ ടീം. ഖത്തറിലെ വിവിധ സ്കൂളുകളും ക്ലബുകളും മാറ്റുരച്ച വീറുറ്റ പോരാട്ടത്തിനൊടുവിലായിരുന്നു എം.ഇ.എസ് സ്കൂളിലെ വിദ്യാർഥികൾ കിരീടം ചൂടിയത്. പ്രഥമ റമദാൻ കബഡി ചാമ്പ്യൻഷിപ് ടീമുകളുടെ പങ്കാളിത്തവും കാണികളുടെ സാന്നിധ്യവുംകൊണ്ട് ശ്രദ്ധേയമായി. ജേതാക്കൾക്ക് ഗോൾഡ് മെഡലും കാഷ് പ്രൈസും സമ്മാനമായി നൽകി.
സ്കൂൾ ഗവേണിങ് ബോർഡ് ഡെപ്യൂട്ടി ജനറൽ മാനേജർ അഹ്മദ് ഇഷാം ടീം അംഗങ്ങളെയും പരിശീലകരെയും ആദരിച്ചു. പ്രിൻസിപ്പൽ ഡോ. ഹമീദ ഖാദർ, മാനേജ്മെന്റ് അംഗങ്ങൾ എന്നിവർ ടീമിനെ അഭിനന്ദിച്ചു. ഫിസിക്കൽ എജുക്കേഷൻ വിഭാഗത്തിലെ എസ്. അഫ്സൽ, മുഹമ്മദ് നവാസ് എന്നിവരാണ് ടീമിനെ പരിശീലിപ്പിച്ചത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.