ഖത്തർ ഇന്ത്യൻ ഇസ്ലാഹി സെന്ററിന്റെ ഖുർആൻ പഠനപദ്ധതിയായ വെളിച്ചം അഞ്ചാമത്തെ
മൊഡ്യൂൾ പ്രകാശനം ചെയ്യുന്നു
ദോഹ: ഇന്ത്യൻ ഇസ്ലാഹി സെന്ററിന്റെ ആഭിമുഖ്യത്തിൽ നടക്കുന്ന ഖുർആൻ പഠനപദ്ധതിയായ വെളിച്ചം അഞ്ചാമത്തെ മൊഡ്യൂൾ സഫാ വാട്ടർ മാനേജിങ് ഡയറക്ടർ മുഹമ്മദ് അശ്റഫ്, ഇസ്ലാഹി സെന്റർ ഉപദേശകസമിതി അംഗം ആർ.വി. മുഹമ്മദിന് നൽകി പ്രകാശനം ചെയ്തു.
മദീന ഖലീഫയിലെ ഇസ്ലാഹി സെന്റർ ആസ്ഥാനത്ത് നടന്ന പരിപാടിയിൽ വെളിച്ചം ചെയർമാൻ അബ്ദുൽലത്തീഫ് നല്ലളം അധ്യക്ഷത വഹിച്ചു. ഇസ്ലാഹി സെന്റർ ജനറൽ സെക്രട്ടറി റഷീദ് അലി, സെക്രട്ടേറിയറ്റ് അംഗങ്ങളായ ഉമർ ഫാറൂഖ്, അലി ചാലിക്കര, മുജീബ് മദനി, നിസ്താർ പട്ടേൽ, ബഷീർ അൻവാരി, ഹമീദ് കല്ലിക്കണ്ടി എന്നിവർ പങ്കെടുത്തു.
2023 ഫെബ്രുവരി മുതൽ ഏപ്രിൽ 30 വരെയാണ് ഈ മൊഡ്യൂളിന്റെ സമയപരിധി. പഠിതാക്കൾ കോപ്പികൾ കോഓഡിനേറ്റർമാർ മുഖേന കൈപ്പറ്റണമെന്ന് കൺവീനർ സിറാജ് ഇരിട്ടി അറിയിച്ചു. വിവരങ്ങൾക്ക്: 55221797.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.