അ​ന്താ​രാ​ഷ്ട്ര സ​മാ​ധാ​ന പു​ര​സ്കാ​രം ഖ​ത്ത​റി​ന്

ദോ​ഹ: സ​മാ​ധാ​ന​ത്തി​നും മാ​നു​ഷി​ക പ്ര​വ​ർ​ത്ത​ന​ങ്ങ​ൾ​ക്കും ന​ൽ​കു​ന്ന അ​യ​ർ​ല​ൻ​ഡി​ലെ ടി​പ്പെ​റേ​രി അ​ന്താ​രാ​ഷ്ട്ര സ​മാ​ധാ​ന പു​ര​സ്കാ​രം ഖ​ത്ത​റി​ന്. രാ​ജ്യ​ത്തി​നാ​യി ഖ​ത്ത​ർ പ്ര​ധാ​ന​മ​ന്ത്രി ശൈ​ഖ് മു​ഹ​മ്മ​ദ് ബി​ൻ അ​ബ്ദു​ർ​റ​ഹ്മാ​ൻ ബി​ൻ ജാ​സിം ആ​ൽ ഥാ​നി അ​യ​ർ​ല​ൻ​ഡി​ലെ ടി​പ്പെ​റേ​രി​യി​ൽ ന​ട​ന്ന ച​ട​ങ്ങി​ൽ പു​ര​സ്കാ​രം ഏ​റ്റു​വാ​ങ്ങി.

പു​ര​സ്കാ​രം വ്യ​ക്തി​പ​ര​മാ​യ ബ​ഹു​മ​തി അ​ല്ലെ​ന്നും മ​റി​ച്ച് ഖ​ത്ത​റി​ലെ ജ​ന​ങ്ങ​ൾ​ക്കും നേ​തൃ​ത്വ​ത്തി​നും വേ​ണ്ടി​യാ​ണ് സ്വീ​ക​രി​ക്കു​ന്ന​തെ​ന്നും പ്ര​ധാ​ന​മ​ന്ത്രി പു​ര​സ്കാ​രം ഏ​റ്റു​വാ​ങ്ങി​ക്കൊ​ണ്ട് പ​റ​ഞ്ഞു. സ​മാ​ധാ​ന​ത്തി​നാ​യു​ള്ള ഉ​റ​ച്ച ശ​ബ്ദ​മാ​യി ഖ​ത്ത​ർ മാ​റി​ക്ക​ഴി​ഞ്ഞു, വെ​ല്ലു​വി​ളി​ക​ൾ​ക്ക് മു​ന്നി​ൽ കീ​ഴ​ട​ങ്ങാ​ത്ത ഒ​രു രാ​ഷ്ട്ര​മാ​യി ഇ​ന്ന് ഖ​ത്ത​ർ മാ​റി​യി​രി​ക്കു​ന്നു എ​ന്ന​തി​ന്റെ അം​ഗീ​കാ​രം​കൂ​ടി​യാ​ണ് ഈ ​അ​വാ​ർ​ഡെ​ന്നും അ​ദ്ദേ​ഹം പ​റ​ഞ്ഞു.

സ​മാ​ധാ​ന​വും മാ​നു​ഷി​ക പ്ര​വ​ർ​ത്ത​ന​ങ്ങ​ളും പ്രോ​ത്സാ​ഹി​പ്പി​ക്കു​ന്ന​തി​നാ​യി 1984ൽ ​സ്ഥാ​പി​ത​മാ​യ​താ​ണ് ടി​പ്പെ​റേ​രി അ​ന്താ​രാ​ഷ്ട്ര സ​മാ​ധാ​ന പു​ര​സ്കാ​രം. ദ​ക്ഷി​ണാ​ഫ്രി​ക്ക​ൻ മു​ൻ പ്ര​സി​ഡ​ന്റ് നെ​ൽ​സ​ൺ മ​ണ്ടേ​ല, അ​മേ​രി​ക്ക​ൻ പ്ര​സി​ഡ​ന്റാ​യി​രു​ന്ന ബി​ൽ ക്ലി​ന്റ​ൺ, പാ​കി​സ്താ​ൻ പ്ര​സി​ഡ​ന്റാ​യി​രു​ന്ന ബേ​ന​സീ​ർ ഭു​ട്ടോ തു​ട​ങ്ങി​യ​വ​ർ​ക്ക് മു​ൻ​കാ​ല​ങ്ങ​ളി​ൽ ഈ ​പു​ര​സ്കാ​രം ല​ഭി​ച്ചി​ട്ടു​ണ്ട്.

മ​ന്ത്രി​സ​ഭ യോ​ഗം അ​ഭി​ന​ന്ദി​ച്ചു

ദോ​ഹ: അ​യ​ർ​ല​ൻ​ഡി​ലെ ടി​പ്പെ​റേ​രി​യി​ൽ ഖ​ത്ത​റി​ന് ല​ഭി​ച്ച അ​ന്താ​രാ​ഷ്ട്ര സ​മാ​ധാ​ന പു​ര​സ്കാ​രം ഏ​റ്റു​വാ​ങ്ങി​യ പ്ര​ധാ​ന​മ​ന്ത്രി ശൈ​ഖ് മു​ഹ​മ്മ​ദ് ബി​ൻ അ​ബ്ദു​ർ​റ​ഹ്മാ​ൻ ബി​ൻ ജാ​സിം ആ​ൽ ഥാ​നി​യെ പ്ര​തി​വാ​ര കാ​ബി​ന​റ്റ് യോ​ഗം അ​ഭി​ന​ന്ദി​ച്ചു.

പ്രാ​ദേ​ശി​ക​വും അ​ന്ത​ർ​ദേ​ശീ​യ​വു​മാ​യ നി​ര​വ​ധി പ്ര​ശ്ന​ങ്ങ​ൾ പ​രി​ഹ​രി​ക്കു​ന്ന​തി​ൽ അ​മീ​ർ ശൈ​ഖ് ത​മീം ബി​ൻ ഹ​മ​ദ് ആ​ൽ ഥാ​നി​യു​ടെ നേ​തൃ​ത്വ​ത്തി​ൽ ഖ​ത്ത​ർ ന​ട​ത്തു​ന്ന പ്ര​വ​ർ​ത്ത​ന​ങ്ങ​ൾ​ക്കു​ള്ള അം​ഗീ​കാ​ര​മാ​ണ് പു​ര​സ്കാ​രം.

ലോ​ക​മെ​മ്പാ​ടും സ​മാ​ധാ​നം, നീ​തി, മ​നു​ഷ്യാ​വ​കാ​ശ​ങ്ങ​ൾ എ​ന്നീ മേ​ഖ​ല​ക​ളി​ൽ മി​ക​ച്ച സം​ഭാ​വ​ന​ക​ൾ ന​ൽ​കി​യ​വ​ർ​ക്ക് സ​മ​ർ​പ്പി​ക്കു​ന്ന ടി​പ്പെ​റേ​രി അ​ന്താ​രാ​ഷ്ട്ര സ​മാ​ധാ​ന പു​ര​സ്കാ​രം ഖ​ത്ത​റി​ന്റെ ഇ​ട​പെ​ട​ലു​ക​ൾ​ക്കും പ്ര​വ​ർ​ത്ത​ന​ങ്ങ​ൾ​ക്കു​മു​ള്ള അം​ഗീ​കാ​ര​മാ​ണ്.

അ​മീ​രി ദി​വാ​നി​ൽ ഉ​പ​പ്ര​ധാ​ന​മ​ന്ത്രി​യും പ്ര​തി​രോ​ധ സ​ഹ​മ​ന്ത്രി​യു​മാ​യ ശൈ​ഖ് സു​ഊ​ദ് ബി​ൻ അ​ബ്ദു​ർ​റ​ഹ്മാ​ൻ ബി​ൻ ഹ​സ​ൻ ബി​ൻ അ​ലി ആ​ൽ ഥാ​നി​യു​ടെ അ​ധ്യ​ക്ഷ​ത​യി​ലാ​ണ് കാ​ബി​ന​റ്റ് യോ​ഗം ചേ​ർ​ന്ന​ത്.